Հայտնի է, որ մոսկովյան փոխադրումների շուկայում հայերը մեծ տեղ են զբաղեցնում: Սակայն վերջին փոփոխությունները, որ նախանշել են Մոսկվայի իշխանությունները, կարող են նրանց համար լրացուցիչ խնդիրներ առաջացնել: Ըստ Մոսկվայի տրանսպորտի զարգացման և ճանապարհաշինության հարցերով փողքաղաքապետ Նիկոլայ Լայոմվի՝ Российская газета թերթին տված հարցազրույցի՝ անհրաժեշտ է մտցնել մոսկովյան տաքսիստների թվի քվոտավորում: Նրա խոսքերով, այս պահին քաղաքում աշխատում է 34.000 տաքսի, որից գրանցված է ընդամենը 30.000-ը: Նա առաջարկում է գրանցել բոլորին և սահմանել 30 հազարի քվոտա` ապագայում չավելացնելով այն: Նա բերել է Լոնդոնի օրինակը, երբ տաքսու վարորդները ստիպված են լինում գրավով գնել ցմահ իրենց ամրակցված տաքսու համար նախատեսված մեքենայի համարը, որից հետո այն փոխել հնարավոր չէ: Դրանով էլ Լոնդոնի իշխանություններին հաջողվում է վերահսկել նրանց` խիստ պատժամիջոցներ կիրառելով նաև այն դեպքում, եթե վարորդները չեն հետևում աշխատանքային գրաֆիկին:
Այսքանից կարելի է ենթադրել, որ բազմաթիվ հայ վարորդներ կարող են զրկվել իրենց աշխատանքից, քանի որ նրանց մի մասն անօրինական է գտնվում Ռուսաստանի տարածքում, իսկ սահմանված հարկերն էլ թույլ չեն տալիս գալ օրինական դաշտ: