Բրիտանական կառավարությունը, ի հեճուկս ձևավորված քննադատական ֆոնի, պատրաստվում է խնդրել բրիտանացիներին՝ «բացել իրենց դռները» ուկրաինացի փախստականների առջև:
Նախարար Մայքլ Գովը երկուշաբթի կներկայացնի մարդասիրական երթուղու մանրամասները, որը թույլ կտա երկիր մուտք գործել ՄԹ հետ ընտանեկան կապեր չունեցող ուկրաինացիներին:
Հաղորդվում է, որ կբացվի թեժ գիծ և էլեկտրոնային հարթակ, որտեղ անհատները, կազմակերպությունները և խմբերը կարող են սենյակներ տրամադրել հակամարտությունից տուժածներին:
Փախստականներին, որոնք մուտք են գործելու նոր երթուղով, կթույլատրվի մնալ նախնական 12 ամիս ժամկետով, որի ընթացքում նրանք իրավունք կունենան աշխատել, նպաստ ստանալ և օգտվել հանրային ծառայություններից:
Ենթադրվում է, որ փախստականների ճգնաժամը վերջին 80 տարվա կտրվածքով ամենամեծ մասշտաբը կունենա: