Այսուհետ մեր անվտանգային միջավայրը պետք է դիվերսիֆիկացնենք՝ դիմելով նաև Արևմուտքին: «Առաջին լրատվական»-ի հետ զրույցում նման տեսակետ հայտնեց «Ազատ քաղաքացի» հկ ղեկավար Հովսեփ Խուրշուդյանը:
Անդրադառնալով Ստեփանակերտից հնչող այն կարծիքին, որ Հայաստանն արցախահայության փրկության համար պետք է ճանաչի Արցախի անկախությունը, Խուրշուդյանը նկատեց, որ այս փուլում նման պահանջը վտանգավոր է․ «Եթե Հայաստանը այս փուլում ճանաչի Արցախը, հայտնվելու ենք կործանված շոգեքարշի պոչին: Արցախն այսօր Ռուսաստանի պատանդն է, ինչպես կարող ենք պատանդից պահանջել ինքնուրույն քայլեր»: Ի դեպ Խուրշուդյանը Արցախի մշակութային ժառանգության հարցով Եվրախորհրդարանի որոշումը պատահական չի համարում: Նրա խոսքով այս բանաձևի ընդունմամբ Արևմուտքը զգուշացրեց Բաքվին:
