Ղազախստանի Ազգային անվտանգության կոմիտեի նախկին ղեկավար Ալնուր Մուսաևը հայտարարել է, որ Տաջիկստանն ու Ղրղըզստանը զիջել են իրենց դիրքերը ՌԴ նախագահ Վլադիմիր Պուտինի ճնշման ներքո և օգնություն կտրամադրեն Ուկրաինայի դեմ պատերազմում։
Մուսաևն ասել է, որ Տաջիկստանն ու Ղրղըզստանը պատրաստակամություն են հայտնել ռազմական օգնություն ցուցաբերել Ռուսաստանի Դաշնությանը, գրում է «Ուկրաինսկա պրավդան»։
«Ռազմական տեխնիկա, զինամթերք և մասամբ ռուսական կոնտինգենտը Կենտրոնական Ասիայի այս հանրապետություններից տեղափոխվում է Ռուսաստանի Դաշնություն՝ պատերազմում օգտագործելու համար»։
Ռուսաստանը աննախադեպ ճնշում է գործադրում նաեւ Ղազախստանի վրա՝ Ուկրաինայի դեմ պատերազմում իր կողմն անցնելու համար։
