Հայէկոնոմբանկը, շարունակելով սերտ համագործակցությունը միջազգայնորեն լայն ճանաչում ունեցող կազմակերպությունների հետ, responsAbility France SAS (responsAbility) ֆինանսական կառույցի հետ կնքեց 15 մլն ԱՄՆ դոլար գումարի չափով վարկային պայմանագիր:
Բանկը ստացված միջոցները կուղղի ՀՀ ՄՓՄՁ վարկավորմանն ու զարգացմանը:
Միջազգային ֆինանսական կազմակերպությունների հետ համագործակցության միջոցով Հայաստանի տնտեսության զարգացմանն աջակցելը Բանկի ռազմավարական գերակայություններից է:
Որպես ՀՀ տնտեսության զարգացմանը նպաստող օղակ՝ Բանկը Հայաստանի ունիվերսալ առևտրային բանկերից մեկն է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ:
ResponsAbility-ի մասին
ResponsAbility ընկերությունը 2003թ-ից ի վեր սերտորեն համագործակցում է կայուն զարգացում ունեղող շուկաների ներկայացուցիչների հետ: Ընկերությունն ունի 8 գրասենյակ աշխարհի տարբեր երկրներում, որոնք թույլ են տալիս ռազմավարական քայլեր ձեռնարկել ՄԱԿ-ի կայուն զարգացման նպատակների իրականացմանն ուղղակիորեն աջակցելու ուղղությամբ:
ResponsAbility ընկերությունը հիմնականում ներդրումներ է կատարել շրջակա միջավայրի պաշտպանության, սոցիալական և կորպորատիվ կառավարման բարձր չափանիշներ ունեցող ավելի քան 300 ընկերությունում աշխարհի շուրջ 80 երկրներում:
