Պատժամիջոցների աննախադեպ մասշտաբը, որոնք արեւմտյան երկրների կողմից Ռուսաստանի նկատմամբ սահմանվել են Ուկրաինայի պատճառով, կազդի համաշխարհային տնտեսության վրա եւ կարող Է հետագա Էսկալացման հանգեցնել Մոսկվայի կողմից: Այս կարծիքը հայտնել Է պատժամիջոցների ամերիկացի փորձագետ Ջուլյա Ֆրիդլենդերը:
«Ես երկյուղում եմ Ռուսաստանի տնտեսության կործանման հետեւանքներից՝ գլոբալ մոնետար եւ մակրոտնտեսական կայունության համար»,-նա հայտարարել Է The Wall Street Journal-ին:
ԱՄՆ-ը եւ ԵՄ-ն արգելել են հանգուցային տեխնոլոգիաների վաճառքը Ռուսաստանին, նոր պատժամիջոցներ են սահմանել Ռուսաստանի պարտքի, ինչպես նաեւ մի շարք խոշոր բանկերի նկատմամբ՝ դրանք անջատելով SWIFT-ի միջազգային համակարգից: Եվրամիությունը նաեւ պատժամիջոցներ Է սահմանել Ռուսաստանի բանկի նկատմամբ՝ սառեցնելով դրա ակտիվներն արտասահմանում:
Դա արդեն հանգեցրել Է ռուսական ռուբլու փոխարժեքի եւ համաշխարհային ֆոնդային շուկաների անկման: Խոսելով հետագա պատժամիջոցների հավանական մասշտաբների մասին՝ Ֆրիդլենդերը, որը Բարաք Օբամայի եւ Դոնալդ Թրամփի նախագահության ժամանակաշրջանում խորհրդական Է եղել ԱՄՆ-ի ֆինանսների նախարարությանն առընթեր ֆինանսական մոնիթորինգի եւ ահաբեկչության հակազդման վարչությունում, նշում Է, որ «դա կլինի 10-ից 10»:
«Մենք շարժվում ենք դեպի իրանական պատժամիջոցների սցենար, դամի քանի օրվա ընթացքում տեղի կունենա G20-ի երկրներից մեկի հետ, որը նավթի ու գազի խոշոր արտահանող Է: Դա աննախադեպ Է»,-հայտարարել Է նա: Ֆրիդլենդերի խոսքով՝ ռիսկերից մեկն այն Է, որ Ռուսաստանը կշարունակի բորբոքել իրադրությունը եւ ի պատասխան կկրճատի Էներգակիրների, ցորենի եւ հումքի մյուս տեսակների արտահանումը: Նրա խոսքով՝ Արեւմուտքն այնքան արագ Է գործել, որ կարող Է ռուսական տնտեսությունն առանց ոտքի տակի հողի թողնել առաջիկա օրերին, հաղորդել Է «Ինտերֆաքս»-ը:
