Պետության ինքնիշխանության արմատը արժեքային ինքնորոշումն է, որից էլ բխում են սկզբունքային, ինքնիշխան որոշումները

Արման Բարսեղյանը ֆեյսբուքյան իր էջում գրել է.

Ինքնորոշման մասին

Բարոյական գիտակցությունը, ըստ իս, հիմնվում է հետեւյալ 5 ֆենոմենների վրա.

✅ ավանդույթներ,
✅ կանոններ,
✅ այլոց կարծիք,
✅ շահեր,
✅ արժեքներ:

Ավանդույթների կամ կանոնների վրա հիմնված գիտակցությամբ մարդը բարոյապես ՄԱՆԿԱՄԻՏ է, քանի որ երեխայի նման ենթարկվում է կանոններին. նման մարդկանց բնորոշ հատկանիշը բարոյական ԿԱԽՎԱԾՈՒԹՅՈՒՆՆ է։

Այլոց կարծիքի վրա հիմնված գիտակցությամբ մարդը բարոյապես ԴԵՌԱՀԱՍ է, քանի որ հետեւում է հեղինակություններին կամ մեծամասնությանը. նման մարդկանց բնորոշ հատկանիշը բարոյական ՓՈԽԿԱԽՎԱԾՈՒԹՅՈՒՆՆ է։

Շահերի վրա հիմնված գիտակցությամբ մարդը բարոյապես ՏՀԱՍ է, քանի որ առաջնորդվում է ցինիզմով՝ առանց հասկանալու, որ այն երկար ժամկետում չի կարող հանգեցնել հաջողության. նման մարդկանց բնորոշ հատկանիշը բարոյական ԱՆՏԱՐԲԵՐՈՒԹՅՈՒՆՆ է։

Արժեքների վրա հիմնված գիտակցությամբ մարդը բարոյապես ՀԱՍՈՒՆ է, քանի որ ինքնորոշվում է արժեքներից ելնելով. նման մարդկանց բնորոշ հատկանիշը ԻՆՔՆՈՐՈՇՈՒՄՆ ու բարոյական ԱՆԿԱԽՈՒԹՅՈՒՆՆ է։

Ակնհայտ է, որ յուրաքանչյուր մարդու բարոյական գիտակցությունը վերը նշված ֆենոմենների որոշակի համակցություն է, սական պետության ԻՆՔՆԻՇԽԱՆՈՒԹՅԱՆ արմատը արժեքային ԻՆՔՆՈՐՈՇՈւՄՆ է, որից էլ բխում են սկզբունքային, ինքնիշխան որոշումները։

Այս ամենը ՀՀ ներկայիս եւ ապագա ինքնիշխանության մասին էր։