Դոնբասի փախստականների համար «Եդինայա Ռոսիա»-ի (ԵՌ) եւ ԱԻՆ-ի կողմից կազմակերպված հումանիտար օգնության շարասյունը չորեքշաբթի օրը՝ փետրվարի 23-ին, կուղեւորվի բաշխիչ կենտրոն, իսկ հետո՝ ժամանակավոր տեղավորման կետեր: Այդ մասին, հաղորդել Է ՌԻԱ Նովոստի գործակալությունը:
Ինչպես ավելի վաղ լրագրողներին հայտնել Է ԵՌ կուսակցության գլխավոր խորհրդի քարտուղար Անդրեյ Տուրչակը, փախստականների համար առաջին 800 տոննա հումանիտար օգնությունը հասել Է Ռոստովի մարզ, մինչեւ փետրվարի վերջն սպասվում Է եւս 500 տոննա բեռ:
Առանձին մեքենա Է կազմավորվել սառնարաններով, միկրոալիքային վառարաններով: Փետրվարի 23-ի առավոտյան շարասյունը զննել են Տուրչակը, ՌԴ ԱԻՆ-ի ղեկավարի ժամանակավոր պաշտոնակատար Ալեքսանդր Չուպրիյանը, Պետդումայի փոխխոսնակ Աննա Կուզնեցովան եւ Ռոստովի մարզի ղեկավար Վասիլի Գոլուբեւը: Ինչպես ճշտել են տարածաշրջանի կառավարությունում, ավտոշարասյան կազմում 40 մեքենա Է:
Դրանցից 30-ը ՌԴ սուբյեկտների հումանիտար օգնությունն Է, 10-ը՝ ՌԴ քաղաքացիական պաշտպանության, արտակարգ իրավիճակների եւ տարերային աղետների հետեւանքների վերացման նախարարություններինը: Բեռի կազմում ուտելիք Է, հիգիենայի պարագաներ, հակասեպտիկներ, Էլեկտրասարքեր:
Ավելի վաղ ԴԺՀ-ի եւ ԼԺՀ-ի ղեկավարությունը հաղորդել Էր հանրապետությունների քաղաքացիներին Ռոստովի մարզ ժամանակավոր տարհանելու մասին՝ կապված Ուկրաինայի ներխուժման սպառնալիքի հետ: Առաջին հերթին տարհանումը վերաբերում Է կանանց, երեխաներին ու տարեց մարդկանց:
