Կարևորելով հանրության կարծիքը և մասնակցությունը սահմանադրական բարեփոխումների ուղղությունները որոշելու հարցում` Սահմանադրական բարեփոխումների խորհուրդն իրականացնում է հանրային հարցում: Այս մասին տեղեկացրին ՀՀ արդարադատության նախարարությունից։
«ՀՀ վարչապետի 27.01.2022 թվականի թիվ 111-Ա որոշմամբ ձևավորվել է Սահմանադրական բարեփոխումների խորհուրդը, ինչպես նաև հաստատվել է խորհրդի անհատական կազմը և գործունեության կարգը:
Խորհրդի առաջնային նպատակն է՝ որոշել բարեփոխումների ուղղությունները և դրանց հիման վրա կազմակերպել սահմանադրական բարեփոխումների հայեցակարգի, ապա նաև` Սահմանադրության փոփոխությունների նախագծի մշակումը:
Կարևորելով հանրության կարծիքը և մասնակցությունը սահմանադրական բարեփոխումների ուղղությունները որոշելու հարցում` Սահմանադրական բարեփոխումների խորհուրդն իրականացնում է հանրային հարցում:
Բոլոր առաջարկությունները կհավաքագրվեն և կներկայացվեն բարեփոխումների խորհրդի և մասնագիտական հանձնաժողովի քննարկմանը:
Եթե ունեք առաջարկություններ կամ կարծիքներ սահմանադրական բարեփոխումների ուղղությունների հետ կապված, խնդրում ենք դրանք կից ձևաչափին համապատասխան ներկայացնել մինչև ս.թ. մարտի 31-ը` ուղարկելով [email protected] հասցեին:
Անանուն հաղորդագրությունները չեն դիտարկվելու»,- ասվում է հայտարարության մեջ, որին կցված է սահմանադրական բարեփոխումների ուղղությունների առաջարկների վերաբերյալ ձևաչափ:
ՁԵՎԱՉԱՓ
ՍԱՀՄԱՆԱԴՐԱԿԱՆ ԲԱՐԵՓՈԽՈՒՄՆԵՐԻ ՈՒՂՂՈՒԹՅՈՒՆՆԵՐԻ ՎԵՐԱԲԵՐՅԱԼ ԱՌԱՋԱՐԿՆԵՐԻ
1. | Անուն, ազգանուն/ կազմակերպության անվանում, հեռախոսահամար, երկիր և քաղաք | |
2. | Մասնագիտություն, զբաղմունք /գործունեության ոլորտ/ | |
3. | Ի՞նչը կցանկանայիք փոխել ՀՀ սահմանադրությունում և ինչու՞ | |
4. | Ի՞նչ եք ակնկալում սահմանադրական բարեփոխումների գործընթացից |