Ճգնաժամային կառավարման ազգային կենտրոնը փետրվարի 18-ին, ժամը 18:27-ին ահազանգ է ստացել, որ Երևանի Նորքի 6-րդ փողոցի 1-ին նրբանցքում այրվում է տուն:
Ինչպես տեղեկացրին ՀՀ արտակարգ իրավիճակների նախարարությունից, դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատի երկու մարտական հաշվարկ, Ճգնաժամային կառավարման ազգային կենտրոնի օպերատիվ և Հրդեհաշիջման և փրկարարական աշխատանքների կազմակերպման բաժնի հերթապահ խմբերը:
Ըստ աղբյուրի՝ հրդեհը մեկուսացվել է ժամը 18:53-ին, մարվել՝ 19:02-ին: Այրվել է տան խոհանոցը՝ գույքով (մոտ 7 քմ):