CNN-ին տված հարցազրույցում ԱՄՆ նախորդ նախագահական ընտրություններում հանրապետական թեկնածու սենատոր Ջոն Մաքքեյնը հայտարարել է, որ Հյուսիսային Կորեայի ղեկավարությունը պետք է փոխվի: «Ես կարծում եմ՝ ժամանակն է, որ խոսենք ռեժիմի փոփոխության մասին»,- ասել է Արիզոնա նահանգի սենատորը` ավելացնելով. «Նկատի չունեմ՝ ռազմական գործողության արդյունքում, բայց հավատացած եմ, որ սա շատ անկայուն ռեժիմ է»:
Մաքքեյնը ասել է, որ այդ երկրի վրա պետք է ավելանա նաև այլ երկրների ճնշումը, որպեսզի ռեժիմը փոփոխվի: «Սրա բանալին, հավանաբար, Չինաստանն է,- նշել է սենատորը:- Սակայն Չինաստանը պատասխանատու համաշխարհային տերություն չէ: Չինաստանի երկարատև շահերի մեջ չի կարող տեղավորվել Կորեական թերակղզում հակամարտության թարմացումը»:
Մաքքեյնը նաև հույս է հայտնել, որ Կիմ Չեն Իրի 27-ամյա որդին, որին հայրը փոխանցում է իշխանությունը, պակաս անկանխատեսելի կլինի, քան հայրը:
