Ճապոնիայի կառավարությունը պլանավորում Է մարտ ամսից յոթից մինչեւ երեք օր կրճատել կարանտինն այն բոլոր մարդկանց համար, ովքեր կժամանեն երկիր: Այդ մասին, , հաղորդել են Kyodo News եւ NHK գործակալությունները՝ վկայակոչելով աղբյուրների: Ենթադրվում Է, որ կարանտինը կկրճատվի այն բոլոր անձանց համար, ովքեր ստացել են կորոնավիրուսի դեմ պատվաստանյութի առնվազն երեք չափաբաժինները, զրուցակիցներն ասում են լրագրողներին:
Նաեւ մարտից ժամանողների թվի բաժնեմասը ներկայիս օրական 3500 մարդուց կբարձրացվի մինչեւ 5000, այդ թվում՝ կսկսեն երկիր թողնել նրանց, ովքեր գալիս են ոչ զբոսաշրջության համար: Սպասվում Է, որ սահմանափակումների մեղմացման մասին պաշտոնապես կհայտարարվի փետրվարի 17-ից ուշ: Առողջապահության նախարարության COVID-19-ի դեմ պայքարի կոնսուլտատիվ մարմնի ղեկավար Տակաձի Վակիտան հայտարարել Է, որ, հավանաբար, Ճապոնիայում հիվանդացության վերջին բարձրակետն անցել Է փետրվարի սկզբին:
ԶԼՄ-ների աղբյուրներն ասում են, որ կառավարությունում քննարկում են սահմանափակումների մեղմացումը, որոնք մտցվել Էին օմիկրոն շտամի դեմ: Մուտքի սահմանափակումները խստացվել Էին նոյեմբերի վերջին, դրա դեմ բողոքում Էին Ճապոնիայի բուհերի օտարերկրացի ուսանողները (2021 թվականի վերջին չի կարողացել երկիր մուտք գործել ուսանողական այցագրերով 150 հազար մարդ) եւ այն ընկերությունները, որոնք չեն կարողացել օտարերկրացի մասնագետների բերել: Այժմ կարող են Ճապոնիա մուտք գործել միայն երկրի հպատակները կամ կեցության վկայագիր ունեցող օտարերկրացիները, հաղորդել Է «Ինտերֆաքս»-ը:
