Գերմանիայի Ֆրայզինգ քաղաքում կայացավ Եվրոպայի 2022թ. առաջնությունների վիճակահանությունը: Իրենց մրցակիցներին իմացան տղամարդկանց Հայաստանի ազգային հավաքականը, մինչև 16 տարեկանների (C դիվիզիոն), մինչև 18 տարեկանների (C դիվիզիոն) հավաքականները և կանանց մինչև 16 (C դիվիզիոն) և 20 (B դիվիզիոն) տարեկանների հավաքականները: Հայաստանի ազգային հավաքականը Եվրոպայի փոքր երկրների առաջնությունում հայտնվել է B ենթախմբում, որտեղ կհանդիպի Սան Մարինոյի և Ջիբրալթարի ընտրանիների հետ: Առաջնությունը կանցկացվի հունիսի 28-ից հուլիսի 3-ը, Մալթայի Տա-Քալի քաղաքում: Տղամարդկանց Մ16 տարեկանների հավաքականը ընդգրկվել է С դիվիզիոնի B ենթախմբում, որտեղ կմրցի Ջիբրալթարի, Անդորրայի և Մոլդովայի հավաքականների հետ: Հանդիպումները կկայանան 2022 թվականի հուլիսի 12-ից 17-ը Կոսովոյի Պրիշտինա քաղաքում:Մ18 տարեկանների հավաքականը հայտնվել է B ենթախմբում, որտեղ կմրցի Ադրբեջանի, Լյուքսեմբուրգի, Մոլդովայի և Ջիբրալթարի թիմերի հետ: Հանդիպումները տեղի կունենան հուլիսի 24-ից 31-ը Սան Մարինոյում:Կանանց Մ16 տարեկանների հավաքականը ընդգրկվել է B ենթախմբում, որտեղ կմրցի Կիպրոսի և Մոլդովայի հավաքականների հետ:
Հանդիպումները կկայանան 2022 թվականի հուլիսի 12-ից 17-ը Ալբանիայի Կորչե քաղաքում:Իսկ կանանց Մ20 տարեկանների հավաքականը հայտնվել է B դիվիզիոնի B ենթախմբում, որտեղ կմրցի Իսլանդիայի, Գերմանիայի, Իսրայելի և Վրաստանի թիմերի հետ: Հանդիպումները տեղի կունենան հուլիսի 9-ից 17-ը Հյուսիսային Մակեդոնիայի Սկոպյե քաղաքում: Հիշեցնենք, որ կորոնավիրուսի համավարակի պատճառով անցյալ տարվա ընտրական մրցաշարերը հետաձգվել էինք։ Հայաստանի ազգային հավաքականը փոքր երկրների Եվրոպայի առաջնությունում B ենթախմբում պետք է մրցեր Իռլանդիայի, Անդորրայի և Ադրբեջանի հետ։ Այս մրցաշարը նախատեսված է անցկացնել հունիսի 28-ից հուլիսի 3-ը Իռլանդիայի Լիմերիկ քաղաքում: Ըստ ՖԻԲԱ-ի նույն ժամանակահատվածում պետք է տեղի ունենա նաև 2022 թվականի փոքր երկրների Եվրոպայի առաջնության ընտրական փուլը։
Քանի որ 2021 թվականի մրցաշարի անցկացնումն արդեն հաստատված է, ՖԻԲԱ-ն կփոխի այս տարվա մրցաշարի ժամկետը։ Նշենք, հենց Իռլանդիայում պետք է տեղի ունենա այս տարվա կարևորագույն իրադարձություններից մեկը հայկական սպորտում։ Խոսքը Հայաստան-Ադրբեջան դիմակայության մասին է։ Բասկետբոլում ինչպես նաեւ ֆուտբոլում, Հայաստանի ու Ադրբեջանի ազգային թիմերի մակարդակով որեւէ հանդիպում տեղի չի ունեցել։ Ուստի Հայաստան-Ադրբեջան հանդիպումը պատմական լինելուց զատ պետք է դառնա մեր մեծ հաղթանակի սկիզբը։ Կարևոր մրցաշարից առաջ Հայաստանի բասկետբոլի ֆեդերացիան ազգային թիմի գլխավոր մարզիչ էր նշանակել NBA-ում ճանաչված մասնագետ Ռեքս Կալամյանին։Վերջինս աշխատել է «Էլաք» (1990–1992), «Լոս Անջելես Քլիպերս» (1995–2003, 2018–2020), «Դենվեր Նագեթս» (2004–2005), «Մինեսոտա Թիմբերվուլվզ» (2005–2007), «Սակրամենտո Քինգս» (2007–2009, 2020-2021), «Օքլահոմա Սիթի Թանդերս» (2009–2015), «Տորոնտո Ռափթորս» (2015–2018) և «Դետրոյթ Փիստոնս» ակումբներում: Կամալյանը կփորձի օգտագործել իր հեղինակությունը, որ ավելի մեծ թվով անձանց ներգրավի հայկական բասկետբոլի զարգացմանը միտված ծրագրերին: Կալամյանն այսօր ամենաճանաչված հայն է և ամերիկյան բասկետբոլում բավական լուրջ ազդեցություն ունի: Նշենք, որ մեր հավաքականն ունի մեծ պետենցիալ, որը անհրաժեշտ է արդյունավետ և ճիշտ օգտագործել։ Դեռևս 2016 թվականին բասկետբոլի Հայաստանի տղամարդկանց հավաքականն առաջին անգամ մասնակցելով բասկետբոլի Եվրոպայի փոքր երկրների առաջնությանը` դարձել էր մրցաշարի չեմպիոն: Մեր ազգային թիմը իրավունք էր ստացել մասնակցելու Եվրոպայի 2021 թվականի առաջնության ընտրական փուլին։
Այս մրցաշարում Հայաստանի հավաքականը փալյուն ելույթով աչքի ընկավ մեր երկրում առաջացնելով բասկետբոլային բում։ Մասնավորապես խարվաթ մասնագետ Նիկշկա գլխավոժրությամբ Հայաստանի հավաքականը խմբային փուլում հաղթել էր այպիսի հավաքականների ինչպիսիք են Սլովակիան և Շվեդիան։
