ԵՄ-ի դատարանը որոշում Է ընդունել, որ Եվրամիությունն իրավունք ունի դադարեցնել դոտացիոն վճարումներն անդամ պետություններին, եթե նրանք խախտում են իրավունքի գերակայության սկզբունքները, այդպիսով, մերժվել Է Հունգարիայի եւ Լեհաստանի հայցը Միության բրյուսելյան ինստիտուտների նկատմամբ:
«Դատարանը լիովին մերժում Է Հունգարիայի եւ Լեհաստանի հայցերը… Եվրոպական միությունը պետք Է հնարավորություն ունենա պաշտպանել դեմոկրատական արժեքներն իր լիազորությունների սահմաններում»,-ասվում Է ԵՄ-ի դատարանի հայտարարության մեջ, որը տարածվել Է փետրվարի 16-ին:
Դատարանի որոշումը Եվրահանձնաժողովին թույլ Է տալիս քննարկել եւ որոշում ընդունել վճարումները դադարեցնելու մասին, որոնց խոշոր ստացողներն են Հունգարիան եւ Լեհաստանը, ինչն զգալիորեն կնպաստի նրանց տնտեսական զարգացմանը: ԵՄ-ի այդ նոր անդամները տարիներ շարունակ ենթարկվել են ԵՄ-ի մարմինների քննադատությանը:
Բուդապեշտին եւ Վարաշավային մեղադրել են այն բանում, որ նրանք վնասում են դատական համակարգի եւ ԶԼՄ-ների անկախությունը, խախտում են մի քանի այլ դեմոկրատական սկզբունքներ: ԵՄ-ն ցույց Է տվել Է, որ չի կարող փոխել այդ երկու երկրների քաղաքական ուղեգիծը եւ որոշել Է դիմել ֆինանսական լծակների:
«Դատարանը ճշտում Է, նախեւառաջ, այդ արժեքների պահպանումը չի կարող հանգեցնել պարտավորությունների, որը թեկնածու պետությունը պետք Է կատարի, որպեսզի անդամակցի Եվրամիությանը, եւ կարող Է անտեսել անդամակցությունից հետո»,-ասվում Է դատարանի հաղորդագրության մեջ, հաղորդել Է «Ինտերֆաքս»-ը:
