Ամերիկյան կողմի նախաձեռնությամբ հեռախոսազրույց է տեղի ունեցել նախագահներ Բայդենի և Պուտինի միջև: Սպիտակ տան հաղորդագրության համաձայն, Ջո Բայդենը ռուսաստանցի պաշտոնակցին զգուշացրել է, որ Ուկրաինա ներխուժումը կհանգեցնի Ռուսաստանի դիրքերի թուլացման և համատարած տառապանքների։ Բայդենը «հստակ հասկացրել է Պուտինին», որ թեև Վաշինգտոնը պատրաստ է դիվանագիտական լուծման, բայց «հավասարապես պատրաստ է նաև ցանկացած սցենարի»։ Մի շարք երկրներ իրենց քաղաքացիներին և դեսպանատան աշխատակիցներին կոչ են արել լքել Ուկրաինան: ԱՄՆ-ի, Կանադայի, Գերմանիայի ու Ֆրանսիայի ղեկավարները հանդես են եկել միասնական հայտարարությամբ՝ Ռուսաստանին սպառնալով խիստ պատժամիջոցներով, եթե ներխուժի Ուկրաինա: Ի՞նչի մասին են վկայում այս սպառնալիքները, արդյոք Ռուսաստանն իսկապե՞ս պատրաստվում է զորք մտցնել Ուկրաինա: Թեմայի շուրջ «Առաջին լրատվական»-ը զրուցել է Երևանի մամուլի ակումբի նախագահ Բորիս Նավասարդյանի հետ: