Կորեայի Հանրապետության իշխանություններն ԱՄՆ-ի հետ համատեղ ուշադրությամբ հետեւում են ԿԺԴՀ-ի գործունեությանը միջուկային ոլորտում: Փետրվարի 14-ին Սեուլում լրագրողների համար կայացած ճեպազրույցում այդ մասին հայտարարել Է Հարավային Կորեայի միավորման նախարարության ներկայացուցիչ Լի Չժոն Չժուն:
«Ինչ վերաբերում Է Հյուսիսային Կորեայի գործունեությանը հրթիռա-միջուկային ոլորտում, մենք ուշադրութամբ հետեւում ենք դրան Միացյալ Նահանգների հետ սերտ համակարգմամբ»,- ընդգծել Է նա:
Ավելի վաղ Ատոմային Էներգիայի միջազգային գործակալության (ՄԱԳԱՏԷ) գլխավոր տնօրենի նախկին տեղակալ Օլլի Հեյնոնենն «Ամերիկայի ձայն» ռադիոկայանին տված հարցազրույցում պատմել Է, որ ԿԺԴՀ-ն կարող Էր վերականգնել զինագործական ուրանի եւ պլուտոնիումի արտադրությունը Յոնբյոնի միջուկային համալիրում:
Նրա խոսքով՝ դրա անուղղակի նշաններ են երեւում կենտրոնի արբանյակային լուսանկաներում: Յոնբյոնի համալիրում են գտնվում ուրանի հարստացման գործարանը եւ 5 մեգավատ հզորությամբ ռեակտորը, որը ԿԺԴՀ-ի մասնագետները կառուցել են 1986 թվականին: Փորձագետների գնահատմամբ՝ մեկ տարում այնտեղ կարելի Է ստանալ բավականաչափ նյութեր մի քանի միջուկային լիցքերի պատրաստման համար, հաղորդել Է ՏԱՍՍ-ը:
