«Հայաստան» խմբակցության քարտուղար Արծվիկ Մինասյանն խորհրդարանում իր ելույթի ժամանակ ընդգծեց, որ ՀՀ ազգային անվտանգային ռազմավարության մեջ հստակ գրված է, որ Հայ ժողովրդի ազգային նպատակներն են Հայոց ցեղասպանության միջազգային ճանաչումը, հետևանքների հաղթահարումը և վերացումը: Ընդդիմադիր պատգամավորը հետաքրքրվեց ՀՀ ԱԳ նախարար Արարատ Միրզոյանից՝ արդյո՞ք գործող կառավարությունը շարունակում է այս նպատակները պահպանել:
ԱԳ նախարարն էլ վստահեցրեց, որ Հայաստանի կառավարությունը հետևողականորեն շարունակում է իրականացնել բոլոր այն քայլերը ,որոնց վերաբերյալ հանձնառություն է ստանձնել կառավարության ծրագրում.
«Ծրագրում հստակ արձանագրված է, որ ՀՀ-ն շարունակելու է իր ջանքերը ինչպես Հայոց ցեղասպանության միջազգային ճանաչմանը, այնպես էլ աշխարհում մարդկության դեմ նման հանցագործության հետագա դրսևորումների կանխմանը»: