Վերաքննիչ քաղաքացիական դատարանի անոմալիան –
Դատալեքս համակարգի խոտան աշխատանքի պայմաններում Վերաքննիչ քաղաքացիական դատարանի դատավորներ՝ Կարեն Չիլինգարյանը, Նորա կարապետյանը և Լևոն Գրիգորյանը թիվ ԵԴ/4961/02/18 քաղաքացիական գործով մերժում են հարգելի համարել անձի բերած վերաքննիչ բողոքի բաց թողնված ժամկետը, նշելով, որ թեև անձը ստորադաս դատարանի վճիռը ստացել է 12.11.2021թ-ին (Դատարանը վճիռը կայացրել է 08.10.2021), սակայն ստորադաս դատարանի դատական ակտը 05.11.2021թ-ին արդեն իսկ հրապարակված է եղել դատալեքս կայքում (դատալեքս կայքի խոտան աշխատանքի պայմաններում դեռ պետք է ճշտվի այն այդ օրն է հրապարակվել այդ կայքում թե ավելի ուշ՝ հետին թվով), ուստի նա կարող էր մինչև 05/12/21թ-ը բողոքարկել այդ ակտը:
Նույն գործով, բողոք է բերել նաև Ֆինանսների նախարարությունը և կրկին միջնորդել է բաց թողնված ժամկետը հարգելի համարել, քանի որ նա ստորադաս դատարանի դատական ակտը ստացել է 09/11/21թ-ին: Նույն վերաքննիչ դատարանի դատավորներ՝ Լևոն Գրիգորյանը, Նորա Կարապետյանը հարգելի են համարում Ֆինանսների նախարարության վերաքննիչ բողոք բերելու համար բաց թողնված ժամկետը, իսկ Կարեն Չիլինգարյանը հատուկ կարծիք է գրում չհամաձայնելով նրանց դիրքորոշման հետ:
Հիմա հարց – հարգելի Լևոն Գրիգորյան և Նորա Կարապետյան, ինչո՞ւ եք Ֆինանսների նախարարության նույն փաստարկներով բերված միջնորդությունը բավարարել, իսկ Արամ Կարապետյանինը՝ ոչ:
Հիմա երկրորդ հարց – Եթե Արամ կարապետյանը դիմի ԲԴԽ և ձեզ խիստ նկատողություն հայտնեն, արդյո՞ք դուք ներկա ժամանակներին համահունչ ասելու եք, որ դուք համարձակ դատավորներ եք և իշխանությունները հետապնդում են ձեզ:
Եվ վերջապես երրորդ հարց – արդյո՞ք սա դասական օրինակը չէ կողմերի նկատմամբ կանխակալության, ախր ինչպե՞ս կարող են նույն դատավորները կախված սուբյեկտից մի դեպքում այս դիրքորոշումն ունենան, իսկ մյուս դեպքում այլ…
Ասելիքը շատ է ես անպայման խորհուրդ կտամ Արամ Կարապետյանին դիմելու ԲԴԽ: