Ռուսաստանցի հայտնի իշխանամերձ լրագրող Վլադիմիր Սոլովյովի հետ զրույցում Բելառուսի նախագահ Ալեքսանդր Լուկաշենկոն որոշ տարակուսելի հայտարարություններ է հնչեցրեց Հայաստանի մասին: Հայաստանի նոմինալ դաշնակիցը համարվող պետության ղեկավարը, մասնավորապես, հարցազրույցի ընթացքում խոսելով Ռուսաստանի և Բելառուսի միութենական պետության մասին՝ նշել է նաև, որ հետխորհրդային երկրների մեծ մասը, այդ թվում և Հայաստանը, ուշ թե շուտ նույնպես միանալու է այդ միութենական պետությանը:«Դե Հայաստանը տեղ չունի գնալու։ Կարծում եք՝ նրանք ինչ-որ մեկին պե՞տք են։ Նրանք դա արդեն տեսան»,- ասել է Լուկաշենկոն։ Մեկ օր անց Հայաստանի արտգործնախարարության խոսնակն անդրադարձել է Լուկաշենկոյի այս «ինքնատիպ աշխարհքաղաքական վերլուծությանը»՝ նշելով, որ նրա ասածները նպատակ ունեն սպասարկելու առաջին հերթին սեփական երկրի ներքին քաղաքական օրակարգերը: Իսկ Հայաստանում Բելառուսի դեսպանը կանչվել է ԱԳՆ։ Միջազգային և անվտանգության հարցերի հայկական ինստիտուտի (ՄԱՀՀԻ) հիմնադիր Ստյոպա Սաֆարյանը ասում է․ «Մեր ինքնիշխանությանը ձեռնոց է նետված․ Լուկաշենկոն ատում է ժողովրդավար Հայաստանը, հեղափոխությունը։ Եթե Հայաստանը որևէ մեկին պետք չլիներ, չէին հրավիրի ժողովրդավարության գագաթնաժողովին»։