Մադագասկարում «Բատսիրայի» արեւադարձային ցիկլոնի պատճառով զոհվածների թիվը հասել Է առնվազն 33-ի: Փետրվարի 8-ին այդ մասին հաղորդել Է Madagascar Tribune թերթը՝ վկայակոչելով Բնական աղետների հետեւանքների դեմ պայքարի ազգային բյուրոն:
Բյուրոյի տվյալներով՝ առայժմ պարզվել Է, որ ցիկլոնը 33 մարդու կյանք Է խլել, ընդամենը տուժել Է 70 355 մարդ: Սակայն հաշվարկը դեռ ավարտված չԷ, տվյալներ են հավաքվել միայն Մադագասկարի հարավի վերաբերյալ: Հաշվի առնելով, որ առայժմ հաշվարկներում չներգրավված շրջաններից միայն մեկում՝ Իկյունգուում (երկրի արեւմուտք), զոհվածների թիվը գնահատվում Է 54, զոհերի թիվը կարող Է հասնել հարյուրների:
Առավել տուժած վայրերում ավերածություններն ուղեկցվել են նաեւ տեղատարափ անձրեւներով եւ հեղեղումներով, կատարվում Է բնակչության տարհանում, կարիքավորներին անվճար պարեն են բաժանում: Ցիկլոնը Մադագասկարում մոլեգնել Է փետրվարի լույս 6-ի գիշերը: Խոշոր քաղաքները չեն տուժել, տարերքի հարվածը բաժին Է ընկել հիմնականում երկրի արեւելքին եւ հարավին՝ առավելապես գյուղական բնակչությամբ: Շատ շրջաններում ավերվել են բնակելի տներ, վնասվել են Էլեկտրացանցերը:
Անցած հունվարին Մադագասկարն արդն իր վրա զգացել Է «Անա» արեւադարձային փոթորկի հարվածները, իշխանությունների տվյալներով՝ զոհվել Է 58 մարդ: Այնուհետեւ փոթորիկը շարունակել Է իր շարժումը դեպի արեւելք՝ մոլեգնելով Մոզամբիկում եւ Մալավիում: Դրա հետեւանքների պատճառով այդ երկրներում զոհվել Է համապատասխանաբար 18 եւ 20 մարդ, հաղորդել Է ՏԱՍՍ-ը:
