Ձմեռային տրանսֆերային պատուհանի ընթացքում հայկական ակումբները իրականացրին մի շարք նշանակալի գործարքներ, որոնք էապես կփոխեն VBET Պրեմիրեր լիգայի ընթացքը։ Խոսքը հատկապես վերաբերվում է երևանյան երկու թիմերին՝ «Փյունիկին» և «Արարատ-Արմենիային»: Այս պահին մրցաշարային աղյուսակի երկրորդ հորիզոնականում գտնվող «Փյունիկը» ձմեռային դադարի ընթացքում ըստ էության հավաքագրեց մի նոր թիմ, որը կարող է լուրջ խնդիրներ լուծել որ միայն Հայաստանի առաջնությունում։ Անդրադառնանք իրականացված տրանսֆերներից ամենակարևորներին։ Եվ այսպես, տրանսֆերային պատուհանի ընթացքում «Փյունիկ» տեղափոխվեցին Հայաստանի ազգային հավաքականի դարպասապահ Դավիթ Յուրչենկոն, Վենեսուելայի ազգային հավաքականի ներկայացուցիչներ պաշտպան Ալեքսանդր Գոլսալեը, կիսապաշտպան Ռենսո Սամբրանոն, Հայաստանի ընթացիկ առաջնության լավագույն ռմբարկու Սերժ Դեբլեն, մեր առաջնության բոլոր ժամանակների լավագույն հարձակվողներից Ուրոշ Նենադովիչը։ Ըստ Տրանսֆերմարկետ պարբերականի նշված ֆուտբոլիստների տրանսֆերային ընդհանուր արժեքը կազմում է 1․4 միլիոն եվրո։ Փաստորեն, Երևանյան թիմում հանդես կգան Լատինական Ամերիկայի պետության ազգային թիմի միանգամից երկու ֆուտբոլիստներ ինչը աննախադեպ երևույթ կարելի է համարել։ Ռենսո Սամբրանոն նախկինում հանդես է եկել վենեսուելական «Մոնագասում», «Դեպորտիվո Լարայում» և իսպանական «Վալյադոլիդում»:Վենեսուելացի ֆուտբոլիստի վերջին թիմը եղել է ամերիկյան ՄԼՍ-ի ներկայացուցիչ «Պորտլենդ Թիմբերսը», որտեղ նա հանդես է եկել 2017թ.-ից:
Ռենսո Սամբրանոն Վենեսուելայի ազգային հավաքականի կազմում անցկացրել է 5 հանդիպում: Ինչպես հայտնում է «Փյունիկի» մամուլի ծառայությունը Սամբրանոն այս օրերին գտնվում էր Վենեսուելայի հավաքականի տրամադրության տակ, սակայն թեթևակի վնասվածքի պատճառով դուրս է մնացել ընդհանուր հայտացուցակից և «Փյունիկին» է միացել ազգային թիմի ճամբարից։ Նշենք, որ Սամբրանոյի տրանսֆերը կազմում է 400 հազար եվրո և նա դարձել է «Փյունիկի» ամենաթանկարժեք ֆուտբոլիստը։ Ալեքսանդր Գոնսալեսը կարիերան սկսել է վենեսուելական «Կարակաս» ակումբում, ապա 2012թ.-ին տեղափոխվել է շվեյցարական «Յանգ Բոյզ», որի կազմում ելույթ է ունեցել մինչև 2015թ.-ը: Այդ ընթացքում նա վարձավճարով խաղացել է նաև շվեյցարական «Աարաու» և «Թուն» ակումբներում: 2016թ.-ին Ալեքսանդեր Գոնսալեսը տեղափոխվել է իսպանական Սեգունդան ներկայացնող «Ուեսկա» ակումբ, այնուհետև մեկական մրցաշրջան հանդես է եկել իսպանական «Էլչեում» և «Միրանդեսում»: 2020թ.-ին կարճ ժամանակահատված խաղացել է Բուխարեստի «Դինամոյում»:Վենեսուելացի ֆուտբոլիստի վերջին թիմը եղել է իսպանական «Մալագան», որտեղ նա հանդես է եկել նախորդ մրցաշրջանում Գոնսալեսը հանդիսանում է Վենեսուելայի ազգային հավաքականի կազմում անցկացրել է 58 խաղ և խփել 1 գոլ։ Ինչև իրականացրած տրանսֆերային գործարքներից հետո «Փյունիկի» խաղացողների ընդհանուր արժեքը զգալիորեն ավելացել է և հիմա կազմում է 6․11 միլիոն եվրո։ Ձմեռային տրանսֆերային պատուհանը նշանավորվեց «Արարատ-Արմենիայի» ձեռքբերումով։ Երևանյան ակումբը պայմանագիր կնքեց 24-ամյա բրազիլացի կոնտրոնական պաշտպան Ռոմերսիո Պերեիրայի հետ:
Մինչ «Արարատ-Արմենիա» տեղափոխվելը Ռոմերսիոն հանդես է եկել բրազիլական Սերիա Բ-ն ներկայացնող «Ռեմո» ֆուտբոլային ակումբում։ Պերեիրան հանդես է եկել նաև բրազիլիական Սերիա Ա-ն ներկայացնող «Կուրիտիբա» և Սերիա Բ ներկայացնող «Գուարանի» ֆուտբոլային ակումբներում։Ըստ Տրանսֆերմարկետի Պերեյրայի տրանսֆերային արժեը կես միլիոն եվրո է։ Նա այս պահին Հայաստանի առաջնությունում հանդես եկող ամենաթանկ ֆուտբոլիստն է։ Նույն աղբյուրի համաձայն «Արարատ-Արմենիայի» խաղացողների տրանսֆերային ընդհանուր արժեքը կազմում 6․2 միլիո եվրո։ Այս հաշվարկում «Փյունիկին» գերազանցելով ընդամենը 90 հազար եվրոյով «Արարատ-Արմենիան» այս պահին հանդիսանում է Հայաստանի ամենաթանկ ակումբը։ Համեմատության կարգով նշենք, որ երրորդ տեղում գտնվող Հայաստանի գործող չեմպիոն «Ալաշկերտի» խաղացողների ընդհանուր արժեքը կազմում է 4․73 միլիոն եվրո։Վստահաբար կարող ենք ասել, որ ընթացիկ առաջնությունում Հայաստանի չեմպիոնի կոչման համար պայքարելու է երկու ակումբ «Արարատ-Արմենիան» և «Փյունիկը»։
Վերջինս այս պահին 32 միավորով երկրորդ է և «Արարատ-Արմենիային» զիջում է 8 միավորով։ Ամեն դեպքում առաջնությա երկորդ հատվածում մրցաշարային աղյուսակի վերին հատվածում սպասվում է թեժ թիմակայություն։
Լուսանկարը՝ «Փյունիկը ՖԱ-ի։
