ՄԻՊ Արման Թաթոյանը հանդես է եկել հերթական արտահերթ զեկույցով։ Հիմնվելով պատերազմից անմիջապես հետո հավաքված փաստերի վրա՝ Արման Թաթոյանը կոնկրետ օրինակներով ցույց տվեց ադրբեջանական իշխանությունների կողմից հայերին ու հայկականությանն ուղղված ատելությունն և թշնամանքի քաղաքականությունը։
«Ադրբեջանում առհասարակ ատելության և թշնամանքի է արժանանում հայկականության հետ առնչվող ցանկացած երևույթ։ Պետք է շեշտել, որ ադրբեջանական իշխանությունները թիրախավորում են մարդկանց»,-նշեց Թաթոյանը։
Պատկերացնելու համար այն ատելության աստիճանը, որ հայերի հանդեպ գեներացվում է Ադրբեջանում, Թաթոյանը ներկայացրեց զեկույցում ներառված մի քանի փաստ. օրինակ՝ այն , որ ադրբեջանցիները հայտարարել են, որ հայերն, իբր, գերեզմաններից մահացածներին հանում են, նրանց ոսկեղենը վաճառում։ «Շներ», «շակալներ», «հիվանդ հոգեբանություն ունեցող մարդիկ» արտահայտությունները տարածված արտահայտություններից են, որոնք ադրբեջանցիներն օգտագործում են հայեր հանդեպ։
