Մեծ Բրիտանիայի արտաքին գործերի նախարար Լիզ Տրասը, ով կորոնավիրուսի պատճառով հետաձգել է Ուկրաինա և Ռուսաստան կատարելիք այցերը, հայտնել է, որ առաջիկա ժամանակներս այդ այցերը կյանքի կկոչի: Այս մասին Տրասը խոսել է Ուկրաինայի գործընկերոջ՝ Դմիտրի Կուլեբոյի հետ զրույցում:
«Նախարարը իր ափսոսանքն է հայտնել, որ չի կարողացել այս շաբաթ այցելել Ուկրաինա, սակայն հուսով է իր այցն իրականացնել մոտ ժամանակներս, ինչպես նաև ասել է, որ առաջիկայում կայցելի Մոսկվա»,- ասվում է Մեծ Բրիտանիայի ԱԳՆ հայտարարության մեջ:
Երկու արտգործնախարարները հեռախոսազրույցի ընթացքում համոզմունք են հայտնել, որ եվրոպացի գործընկերներն ու ՆԱՏՕ-ի դաշնակիցները պետք է Ռուսաստանի դեմ հանդես գան միասնական ու ուժեղ ճակատով: