Փետրվարի 1-ին Գվինեա Բիսաուի մայրաքաղաքում առնվազն վեց մարդ Է զոհվել պետական հեղաշրջման փորձի ժամանակ, որը խափանվել Է երկրի ռազմածովային ուժերի հատուկ նշանակության ստորաբաժանման կողմից:
Փետրվարի 2-ին այդ մասին հաղորդել Է Deutsche Welle մեդիախումբը՝ վկայակոչելով գվինեացի զինվորականների:
Նրանց խոսքով՝ վեց մարդ Է սպանվել կառավարական տանը ծայր առած փոխհրաձգության ժամանակ, որտեղ այդ պահին խովարարաների մոտ պատանդ Էին Գվինեա Բիսաուի նախագահ Ումարու Սիսոկու Էմբալոն, վարչապետ Նունու Նաբիամը եւ մի շարք նախարարներ:
Կորուստներ կան ինչպես հատուկ ստորաբաժանման շարքերում, այնպես Էլ խռովարարների թվում: Կառավարական տան մոտ ժամանած՝ ծովայն հետեւակի հատուկ ստորաբաժանմանը հաջողվել Է ազատել պետության ղեկավարին եւ կառավարության անդամներին, որոնք ավելի վաղ այնտեղ Էին հավաքվել Նախարարների խորհրդի արտահերթ նիստի:
Վերադառնալով իր նստավայր՝ պետության ղեկավարը փետրվարի լույս 2-ի գիշերը հանդես Է եկել ժողովրդին հղած ուղերձով: «Խռովարարների նպատակն Էր ոչ միայն իշխանության զավթումն, այլեւ նախագահի ֆիզիկական վերացումը»,- ընդգծել Է Ումարու Սիսոկու Էմբալոն: Նա հայտնել Է, որ օրինական իշխանությունները երկրում լիովին վերահսկում են իրադրությունը, եւ մի շարք խռովարարներ արդեն կալանավորված են:
Պետության ղեկավարը հայտարարել Է, որ Գվինեա Բիսաուում իշխանությունը փորձել են զավթել թմրանյութերի ապօրինի շրջանառության մեջ կասկածվողները: «Խոսքը վերաբերում Է երկու կամ երեք մարդու անձնական հավակնություններին, որոնք երկրի ապակայունացում են ցանկանում»,- հայտնել Է Ումարու Սիսոկու Էմբալոն, հաղորդել Է ՏԱՍՍ-ը:
