Երեկ ՖԻԴԵ-ի հրակարակած անհատական վարկանիշային աղյուսակում Լևոն Արոնյանը պահպանել է դիրքը և շարունակում է մնալ 6-րդ հորիզոնականում։ Հիշեցնենք, որ 2021 թվականի դեկտեմբերից Արոնյանը պաշտոնապես ելույթ է ունենում ԱՄՆ-ի դրոշի ներքո։ Դասկարգման աղյուսակը գլխավորում աշխարհի գործող նորվագացի Մագնուս Կառլսենը, որին հաջորդում են Ֆրանսիայի ներկայացուցիչ Ալիռեզա Ֆիրուջան, չինացի Լիրեն Դինգը, ամերիկացի Ֆաբիանո Կարուանան, և ռուսաստանցի Յան Նեպոմյաշչին։ Այս պահին մենք կրկին չունենք ներկայացուցիչ դասկարգման աղյուսակի լավագույն 50 շախմատիստների շարքում։ Հայաստանին ներկայացուցիչներից ամենաբարձր դիրքում գրոսմայստեր Գաբրիել Սարգսյանն է 2681 անհատական գործակցով։ ՖԻԴԵ-ի աղյուսակի վերջին հրապարակման համեմատ Սարգսյանն առաջադիմել է մեկ աստիճանով հանգրվանելով 56-րդ հորիզոնականում։
Մեկ հորիզոնականով նահանջել է Հայաստանի մեկ այլ ներկայացուցիչ Հրանտ Մելքումյանը տեղ զբաղեցնելով 97-րդ հորիզոնականում։ Լավագույն հարյուրյակից դուրս է մնացել Կարեն Գրիգորյանը։ Փաստորեն դասկարգման աղյուսակի վերջին թարմացումից հետո ունենք էլ ավելի տխուր պատկեր։ Մեկ ամիս առաջ դասակագրման աղյուսակում Հայաստանն ուներ 3 գրոսմայստեր։ Համեմատության համար նշենք, որ Ադրբեջանը, որը ժամանակին ընդհանուր վարկանիշով զգալիորեն զիջում էր մեզ, այսօր դասակարգման աղյուսակում ունի 5 գրոսմայստեր։ Նրանցից Շաքրիար Մամեդյարովը 9-րդն է, իսկ Թեյմուր Ռաջաբովը՝ 14-րդը։ Պատկերն իսկապես տխուր է։ Կա մտավախություն որ մոտ ապագայում բացի Գաբրիել Սարգսյանից Հայաստանը ներկայացուցիչ չի ունենա 100 ուղեժագույնների շարքում։ Իրավիճակն այպիսին է, որ այսօր մեր շախմատիստուհիները ՖԻԴԵ-ի դասկարգման աղյուսակում անհամեմատ ավելի լավ դիրք են զբաղեցում։
Մասնավորապես, 2021 թվականի Եվրոպայի չեմպիոն Էլինա Դանիելյանը 31-րդն է աշխարհում։ Հայաստանի հավաքականի անդամներ Աննա Սարգսյանը՝ գտնվում է 76, իսկ Լիլիթ Մկրտչյանը՝ 79-րդ հորիզոնականում։ Նախորդ հրապարակման համեմատ Սարգսյանն ու Մկրտչյանը նահանջել են մեկ հորիզոնականով, իսկ Էլինա Դանիելյանը պահպանել է դիրքը։ Հայկական շախմատի պատմության ընթացքում սա թերևս առաջին դեպքն է երբ ՖԻԴԵ-ի վարկանիշային աղյուսակի լավագույն հարյուրյակում Հայաստանն ունի ավելի շախմատիստուհի, քան շախմատիստ։ Ավելին, շախմատիստուհիներն անհամեմատ ավելի բարձր դիրքում են։ «Հայաստանում շախմատ կա։ Շատ են երիտասարդ տաղանդավոր շախմատիստները, որոնք սակայն աջակցություն չեն ստանում։ Այնուամենայնիվ, դժվար է ստեղծել այնպիսի պայմաններ որ նրանք շախմատ չխաղան։ Ես շատը գնացել եմ նրա համար, որ շախմատը Հայաստանում մնա։ Երբ զգում ես, որ քեզ չեն հարգում, ուրեմ քեզ հետ հույսեր չեն կապում։ Խոսքը երկրի ղեկավարության մասին է։ Ես նրանց հետ խնդիր չունեմ։ Ես գիտեմ ով եմ շախմատում ու գիտակցում եմ, որ եթե ուզում եմ հաջողությունների հասնեմ պետք է տեղափոխվեմ այնպիսի եկիր որտեղ ավելի հանգիստ կլինի» , «Կերպարից դուրս» հաղորդմանը տված հարցազրույցում ասել էր Լևոն Արոնյանը։ Թե ինչ պատկեր է տիրում հայկական շախմատում Արոնյանի հեռանալուց հետո լավագույնս արտացոլում է դասկարգման աղյուսակում տիրող պատկերը։ Ամիսներ առաջ Հայաստանը ներկայացուցիչ ուներ շախմատային էլիտայում, իսկ այսօր․․․։
Ինչէ, անդրադառնանք նաև պատանիների և աղջիկների վարկանիշային աղյուսակին։ Պատանիների հաշվարկում Հայաստանն ունի ներկայացուցիչ լավագույն տասնյակում։ Շանթ Սարգսյանը 2639 անհատական գործակցով գտնվում է 8-րդ հորիզոնականում։ Հայաստանի մեկ այլ ներկայացուցիչ Արթուր Դավթյանն էլ 2460 գործակցով 77-րդն է։ Աղջիկների դասակարգման աղյուսակի լավագույն հարյուրյակում ունենք մեկ ներկայացուցիչ։ Մարիամ Մկրտչյանը 2300 անհատական գործակցով գտնվում է 26-րդ հորիզոնականում։