Չնայած Սյունիքի մարզպետարանի պաշտոնյաներն ու հակահամաճարակաբանները հինգշաբթի հայտարարեցին, որ մարզում տարածված ջրծաղիկ հիվանդությունը համաճարակ չէ, ու պարապմունքները չեն դադարեցվի, այնուամենայնիվ Կապանի թիվ 5 հիմնական դպրոցում (նախկինում թիվ 1կրթահամալիր) նոյեմբերի 27-ի առավոտյան պարապմունքները դադարեցվել են: Նոյեմբերի 22-ից 25-ը այստեղ հիվանդացության 30 դեպք է գրանցվել: Նոյեմբերի 26-ին Կապանում հիվանդացության 19 դեպք է արձանագրվել: Հիշեցնենք, որ մարզի այլ տարածաշրջաններում իրավիճակը առավել վերահսկելի է: Վարակվածության բարձր ցուցանիշը միայն Կապանի տարածաշրջանում է, ինչը կապում են եղանակային փոփոխությունների հետ: Ընդհանուր առմամբ, վարակվածության դեպքեր կան քաղաքի 5 մանկապարտեզներում և 4 դպրոցներում: Դեպքեր են գրանցվել նաև Գեղի գյուղում: Ըստ բժիշկների՝ հիվանդ երեխաները բուժումը ստանում են տնային պայմաններում: