Wednesday, 28 09 2022
ՄԻՊ-ը հանդիպել է ԵԽ Խոշտանգումների և անմարդկային վերաբերմունքի կանխարգելման եվրոպական կոմիտեի քարտուղարին
16:40
Մոբիլիզացիայից թաքնվող ռուսաստանցիները կարող են ապաստանի համար դիմել ԱՄՆ-ին
Սուրեն Պապիկյանը Ֆրանսիայի պաշտպանության նախարարին է ներկայացրել ադրբեջանական ագրեսիայի հետևանքները
ՀՀ ԱԳ նախարարն ընդունել է Ֆրանսիայի Սենատի Ֆրանսիա-Հայաստան բարեկամական խմբի ներկայացուցիչներին
Փրկարարներին հաջողվել է համոզել ինքնասպանության փորձ կատարողին չդիմել այդ ծայրահեղ քայլին
16:15
Live. «Առաջին լրատվական» տեղեկատվական-վերլուծական կենտրոն
16:10
Իրանում բողոքի ակցիաները չեն հանգեցնի ռեժիմի փոփոխության. Իրանի ԱԳՆ
Դրված է հարցը՝ լինե՞լ, թե՞ չլինել
15:50
Հեռախոսազրույց են ունեցել Ռուսաստանի ու Ադրբեջանի ԱԳ նախարարները
Սա գործընթաց պահանջող փաստաթուղթ է
8,3 մլն շվեյցարական ֆրանկ՝ ՀՀ գյուղատնտեսության ոլորտում մասնագիտական ​​կրթության համար
Լուրերի օրվա թողարկում 15։30
Ադրբեջանի ագրեսիայի հետևանքով վիրավորված զինծառայողներին, քաղաքացիական զոհերի և անհետ կորածների ընտանիքներին աջակցելու նախագիծ է շրջանառվել. ԱՍՀ
ԱՄն-ի խաղը բացահայտ է. Հայաստանից կտրուկ և կոնկրետ քայլեր են պահանջվում
15:24
Սեւծովյան հացահատիկային նախաձեռնության շրջանակներում արտահանվել է 5 մլն տոննայից ավելի ուկրաինական հացահատիկ
Պատմության հեգնանքը 11 տարի անց․ Հայաստանը պետք է հաղթեր, բայց․․․
Դատավոր Բորիս Բախշիյանն արդարացվել է
Ինչ են ակնկալում սյունեցիները իշխանությունից․ ներկայացնում է Ժիրայր Ոսկանյանը
Վարչապետը շեշտել է ՀՀ նկատմամբ ագրեսիայի հետևանքների հաղթահարման ուղդղությամբ աշխատանքներում Ֆրանսիայի դերը
15:06
Եղանակը աշխարհում – Սեպտեմբեր 29, 2022
Քրիստիննե Գրիգորյանը ՄԻԵԴ նախագահին է երկայացրել ադրբեջանական ագրեսիայի հետևանքները
Ինչ է պայմանավորվել Սուրեն Պապիկյանը Ֆրանսիայի պաշտպանության նախարարի հետ
Ղրղզա-տաջիկական սահմանին բախման հետեւանքով զոհերի թվաքանակը հասել է 63-ի
ՀՀ վարչապետի գլխավորությամբ քննարկվել է 2023 թ. պետբյուջեի նախագծի մակրոտնտեսական, հարկաբյուջետային և ծախսային շրջանակը
Գրիգոր Մինասյանը արդարադատության նախարար նշանակվելու առաջարկ դեռ չի ստացել
Արթուր Խաչենցն ու Իզենը հանուն հայրենիքի նահատակվածների հիշատակին նվիրված երգ են ներկայացրել
Լուրերի օրվա թողարկում 14:30
Փաստորեն Հայաստանը պետք է գլխի գցի Ռուսաստանին, որ այսպես շարունակելու դեպքում կարող է կորցնել Հայաստանը․ Արման Բաբաջանյան
14:10
ԵՀ-ն կառաջադրի Ռուսաստանի դեմ նոր պատժամիջոցների առաջարկություններ. Politico
Արման Թաթոյանը ԱՄՆ-ում տեղի ունեցած բարձրաստիճան համաժողովի ժամանակ ներկայացրել է ադրբեջանական պատերազմական հանցանքների ապացույցները

Երևանի քաղաքից և հեռուստատեսությունից կարելի է պատկերացնել հայոց լեզվի վիճակը․ նոր նախագիծը նույնիսկ  ուշացած է

ՀՀ կրթության, գիտության, մշակույթի և սպորտի նախարարությունը նոր նախագիծ է ներկայացրել, որով 2023 թվականից  բարձրագույն ուսումնական  հաստատություններ ընդունելության համար  նախատեսվում է պարտադիր պահանջ դարձնել 2 միասնական քննությունը, բացի այդ՝ 2 անգամ միասնական քննություն հանձնելու հնարավորությունը: Նշենք նաև, որ ըստ նախագծի` անկախ բուհերի կազմակերպաիրավական ձևից և կարգավիճակից, բակալավրի  ցանկացած կրթական ծրագրով ՀՀ քաղաքացիների՝ բուհ ընդունվելու համար սահմանվում է «Հայոց լեզու» առարկայի պարտադիր քննություն։

ԵՊՀ հայ բանասիրական ֆակուլտետի  դեկան Արծրուն Ավագյանը մեզ հետ զրույցում ասաց, որ պարտադիր երկու քննության սահմանումը գլխավորապես  պայմանավորված է ուսանողների թվի զգալի  կրճատումով, ինչն էլ իր հերթին կապված է ընդհանուր բնակչության թվի նվազման հետ: Հարցին՝արդյոք սա բացասաբար չի՞ անդրադառնա կրթության որակի վրա, ԵՊՀ հայ բանասիրության ֆակուլտետի դեկանն ասաց, որ անխուսափելիորեն  վատ  ազդեցություն է թողնելու ընդունվող ուսանողների կրթական որակի վրա: «Եթե նախկինում մի տեղի համար կար սուր պայքար, մրցակցություն, հիմա  մեծամասամբ նվազագույն բալ ապահովողներից գրեթե բոլորն ընդունվում են»,-նշում է մեր զրուցակիցը:

Դիտարկմանը, թե հիմնական խնդիրը  կրթության  անհասանելիությունն է, վարձավճարների բարձր լինելը,այդ թվում՝ հայագիտության, ի պատասխան Սահակյանն համաձայնեց, որ դա բավականին լուրջ խնդիր է, եթե հատկապես  համեմատում ենք  մեզանում առկա  միջին աշխատավարձի չափերի հետ: Այնուհանդերձ, ըստ մեր զրուցակցի, այլ կերպ պատկերացնելն էլ է դժվար, քանի որ չենք կարող հաշվի չառնել այն հանգամանքը, որ հենց այդ վարձավճարներն են ապահովում բուհերի գոյությունը, դասախոսների աշխատավարձը: Այդ պատճառով էլ բոլոր բուհերն էլ շահագրգռված են այս փոփոխությամբ :

«Իմ կարծիքով՝ այն լավ կազդի ուսանողների քանակի ավելացման վրա: Ավելի քիչ թվով դիմորդներ կստանան անբավարար: Այս առումով իմաստ չունի շատ քննություն դնել»,-ասում է Ավագյանը:

Բացի այդ՝ նա ընդգծեց, որ ուսանողների համար գործում են բազում սոցիալական ծրագրեր, զեղչեր՝սկսած երկրորդ կիսամյակից գործում են սոցիալական սուղ պայմաններում գտնվողների, ծնողազրկության,սահմանային բնակիչ լինելու հանգամանքներով,հաշմանդամ լինելու պատճառով և այլ գործոններով պայմանավորված:

Արդյոք սա դրական  կազդի՞  հայոց լեզվի իմացության մակարդակի վրա և արդյոք բազմաթիվ դժգոհություններն են պատճառը, որ նախարարությունը դիմեց  այսպիսի փոփոխության, նա պատասխանեց, որ դեր խաղացած կլինեն ահազանգերը, քանի որ հայոց լեզվի այլընտրանքային դարձնելը վատ մտահաղացում էր, ծանր հետևանքներ կարող էր թողնել: «Մի մոռացեք, որ լեզուն նաև ազգային մտածողության և ինքնության ձևավորման հիմնասյուներից  է: Կարծում եմ՝ Հայաստան աշխարհում բնական է, որ  հայոց լեզուն  պարտադիր լինի ամեն մի հայի համար»-ընդգծեց Ավագյանը: Միանշանակ նա ողջունելի  է համարում  այդ բացթողման շտկումը, որի շնորհիվ դպրոցներում նորից մեծ ուշադրություն կդարձվի  «Հայոց լեզու» առարկայի  ուսուցմանը, ինչն էլ կնպաստի, որ  բուհերում մասնագիտացողներն ավելի լիարժեք տիրապետեն մայրենի լեզվին: Նրա համոզմամբ՝ հիմնական  խնդիրը գալիս  է դպրոցի ոչ բավարար մակարդակի կրթություն ապահովելուց:  Մինչև դպրոցը երկու ոտքի վրա չկանգնի, չի կարգավորվի խնդիրը»,- եզրափակեց  մեր բանախոսը:

ՀՀ ԿԳՆ լեզվի տեսչության նախկին պետ, լեզվաբան, ակադեմիկոս  Լավրենտի Միրզոյանը կարծում է, որ այս նախագիծը նույնիսկ  ուշացած է, քանի որ  լեզուն միշտ պետք է լինի գերակա: Նա նշեց նաև՝ ինքը  տարիներ շարունակ բարձրաձայնել է խնդիրը, որ հայոց լեզվի քննությունը պարտադիր պետք է լինի բուհ ընդունվելիս՝ մատնանշելով, որ  այդպես է ամրագրված  «Լեզվի մասին» ՀՀ օրենքում, դա օրենքի պահանջ է, հակառակ որոշումը կոպիտ  խախտում է: Նրա համոզմամբ՝ ներկայումս առկա  ամբողջ քննակարգն է  խնդրահարույց և մերժելի. «Ուսանողներն այժմ, առանց սովորելու հայոց լեզվի քերականությունը, ուղղագրություն ու ուղղախոսությունը, մեխանիկորեն  անգիր անելով են  բուհ ընդունվում, երբեմն տարրական գիտելիքներ չունենալով և բացարձակապես չտիրապետելով լեզվին; Եվ եթե հաշվի ենք առնում, որ հիմա ուսանողների քանակի լուրջ պակաս կա, երբեմն  բուհ են ընդունվում մի քանի բան անգիր արած, անգրագետ աշակերտներ»,-ընդգծում է Միրզոյանը:

Նա ցավով է արձանագրում, որ մենք անընդհատ օտարում ենք մեզնից և կորցնում ենք մեր դիմագիծը, չենք  մտածում, որ լեզուն մեր պահպանության երաշխիքն է: «Այսօր մայրենին այնքան խղճուկ վիճակում է հայտնվել, որ շատ ֆակուլտետներում Հայոց լեզվի ամբիոնները պարզապես  միանում են այլ ամբիոնների: Օրինակ՝ տնտեսագիտական համալսարանում այսօր չի գործում առանձին հայոց լեզվի ամբիոն, միացված է օտար լեզուների ամբիոնին»,-նշում  է լեզվաբանը:

Միրզոյանն ընդհանրապես ձախողված  է համարում  հայոց լեզվի հանդեպ տարվող քաղաքականությունը, հատկապես գովազդների,հեռուստատեսային, մամուլի  խոսքի վերահսկողությունը: «Բավական է նայել  Երևանին և կտեսնենք՝քաղաքը կարծես կորցրել է հայկականությունը: Ոչ մի գովազդային վահանակի վրա չի պահպանվում  «Լեզվի մասին » ՀՀ օրենքի պահանջը: Համատարած օտարալեզու բառեր են՝առանց հայերեն անվանումների: Նույն տխուր պատկերն է հեռուստատեսային, մամուլի, նույնիսկ գրահրատարակչության լեզվի վիճակը: Սա նշանակում է՝պետական մակարդակով  պետք է  խիստ վերահսկողություն իրականացվի առկա խնդիրների ուղղությամբ և ընդհանրապես մեծացվի հոգածությունը լեզվի հանդեպ»,-իր համոզմունքն հայտնեց լեզվաբան Միրզոյանը:

 

Լուսանկարը՝ «Ֆոտոլուր»-ի

 

 

 

Բաժիններ
Ուղիղ
Լրահոս
Որոնում