Friday, 29 03 2024
10:15
Նավթի գներն աճել են. 28-03-24
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին

Գեղարքունիքի մարզի ոռոգման համակարգերի նորացման ծրագրերի ուղղությամբ կծախսվի ավելի քան մեկ միլիարդ դրամ

Գեղարքունիքի մարզի ոռոգման համակարգերի արդիականացման ուղղությամբ այս տարի ՀՀ կառավարության եւ «Եվրասիական զարգացման բանկի» համագործակցության շրջանակում նախատեսվում է իրականացնել 3 ծրագիր, որոնց նախնական ընդհանուր արժեքը կկազմի ավելի քան 1 միլիարդ դրամ։

Ինչպես տեղեկացրեց «ԳԵղարքունիք» ՋՕԸ գործադիր տնօրեն Արտաշ Սարդարյանը, արդիականացվելու են Ծովինարի «Մեծ առու», Մարտունի եւ Վաղաշեն համայնքներին ոռոգման ջուր մատակարարող «Մանասի առու» եւ Լանջաղբյուրի ջրամբարի մոտեցնող ջրանցքները։

«Ծովինարի «Մեծ առու» ջրանցքի շինարարության մեկնարկը տրվել է նախորդ տարի։ Նախատեսված էր կառուցել 3,3-կիլոմետրանոց հատվածը, սակայն աշխատանքներն ընդհատվեցին եղանակային անբարենպաստ պայմանների պատճառով եւ կշարունակվեն մոտեցող գարնանը։ Մոտ 10 կիլոմետր երկարության հողաշեն ու քայքայված այդ ջրանցքի մնացած հատվածը, որտեղ կորուստները կազմում են մոտ 80 տոկոս, եւս կնորացվի վերոնշյալ ծրագրով։ Ծրագրի իրականացման համար արդեն կազմակերպվել է հանրային լսում, շուտով կհրավիրվի նաեւ երկրորդը։ Այդ ծրագրի շրջանակներում է նախատեսվում նաեւ շուրջ 7 կիլոմետր երկարության «Մանասի առվի» եւ Լանջաղբյուրի ջրամբարի՝ 4.6 կիլոմետր երկարության մոտեցնող ջրանցքի շինարարությունը։ Այս երկու ջրանցքները եւս քայքայվել են ու գրեթե կորցրել պիտանիությունը։ Այժմ աշխատանքները գտնվում են նախագծման փուլում, եւ շատ հավանական է, որ այս տարվա ընթացքում մեկնարկի շինարարությունը։ Ծովինարի ջրանցքը կնորացվի փակ խողովակներով, Լանջաղբյուրի ջրանցքը եւ «Մանասի առուն»՝ երկաթբետոնե կիսախողովակներով։ Այս ծրագրերից բացի, «Գեղարքունիք» ՋՕԸ տարեկան բյուջեի հաշվին ծրագրել ենք իրականացնել ջրանցքների, խորքային հորերի մաքրման ու նորացման, պոմպակայաններում տեխնիկական խնդիրները կարգավորելու աշխատանքներ։ Վարդենիսում առանձին խորքային հորերի համար ձեռք կբերվեն նոր պոմպեր»,- նշեց Արտաշ Սարդարյանը։

ՋՕ ընկերության գործադիր տնօրենն անդրադարձավ նաեւ նախորդ տարում իրականացված աշխատանքներին եւ արձանագրված ձեռքբերումներին ու առաջնահերթ անելիքներին։ «Նախորդ տարվա երաշտի հետևանքով առաջացած դժվարությունները մեզ հիմնականում հաջողվեց հաղթահարել կազմակերպված ու հետեւողական աշխատանքի շնորհիվ։ Մեր հաշվեկշռում եղած 1 966 հեկտար հողամասերը ոռոգվել են ժամանակին, առանց ուշացումների։ Համենայն դեպս, ջրօգտագործողների կողմից չեն եղել դժգոհություններ։ Թերեւս, դրա վառ վկայությունն էլ այն է, որ այսօրվա դրությամբ ոռոգման վարձավճարների գանձումը հասցրել ենք մոտ 92 տոկոսի։ Այս տարի էլ պետք է հաղթահարենք ի հայտ եկած բոլոր տեսակի տեխնիկական խնդիրները, որպեսզի կազմ ու պատրաստ լինենք ոռոգման շրջանի մեկնարկին ու ընթացքին։ Ջրամատակարարման քսան կետերում նախորդ տարի կառուցվել են ջրաչափման դիտակետեր, որտեղ այս տարի տեղադրվելու են ջրաչափ սարքերը։ Սուբվենցիոն ծրագրերի շնորհիվ ակնկալում ենք համայնքների ներսում ունենալ արդիականացված ջրատարներ, որոնց շնորհիվ նվազագույնի կհասցվեն մատակարարվող ոռոգման ջրի կորուստները։ Իրականացված ծրագրերի արդյունքում նախատեսում ենք ավելացնել մեր հաշվեկշռում առկա ոռոգելի տարածքները՝ դրանք հասցնելով մինչեւ 2 100 հեկտարի։ Նախորդ տարի Լանջաղբյուրի «Թիվ 1» ջրամբարի վերանորոգման համար մեր ընկերությանը սուբսիդիա էր հատկացվել 3,5 միլիոն դրամի չափով։ Շինարարական աշխատանքներն այս ուղղությամբ սկսել ենք անցած աշնանը, որը կշարունակենք եղանակների տաքանալուն պես։ Շատ լավ նորություն ունենք Արգիճի եւ Աստղաձորի ջրամբարների շինարարության մեկնարկի մասով։ ՀՀ վարչապետի աշխատակազմում արդեն ձեւավորվել է աշխատանքային խումբ, որը կզբաղվի ջրամբարների կառուցման հետ կապված հարցերով։ Այդ ջրամբարների կառուցման եւ շահագործման դեպքում «Գեղարքունիք» ՋՕԸ-ի սպասարկման տակ գտնվող հողատարածքների ոռոգումը կկատարվի ինքնահոս եղանակով, որի արդյունքում կունենանք էլեկտրաէներգիայի մեծ խնայողություն»,- ամփոփեց «Գեղարքունիք» ՋՕԸ գործադիր տնօրեն Արտաշ Սարդարյանը։

Բաժիններ
Ուղիղ
Լրահոս
Որոնում