Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Համապատասխան հետազոտություններն ու բուժզննումն ավարտելուց հետո նախագահ Սարգսյանը կվերադառնա Հայաստան

ՀՀ նախագահ Արմեն Սարգսյանի հրաժարականի վերաբերյալ Civic.am-ը մի քանի հարց էր  հղել ՀՀ նախագահի աշխատակազմի հասարակայնության հետ կապերի վարչությանը: Մեր առաջին հարցը հետևյալն էր.

Մի շարք ԶԼՄ-ներ գրում են, որ ՀՀ նախագահ Արմեն Սարգսյանը ՀՀ-ում չէ, մեկնել է  արտերկիր, և հրաժարականի մասին երեկ արված հայտարարությունը ՀՀ նախագահի աշխատակազմին է ուղարկվել   արտերկրից, մասնավորապես՝ Լոնդոնից: Խնդրում եմ հայտնել՝ արդյոք  ՀՀ  նախագահը հրաժարականի մասին հայտարարությունն  արել է արտերկրում գտնվելո՞ւ  ժամանակ: Այս պահին նա արդյոք  ՀՀ-ո՞ւմ  է: Եթե ոչ, ապա ո՞ր երկրում է և ե՞րբ կվերադառնա ՀՀ:

Ի պատասխան՝ նախագահականից քիչ առաջ հայտնել են. «Հանրապետության նախագահն իր հրաժարականի մասին հայտարարել է արտերկրում գտնվելու ժամանակ: Նախագահ Սարգսյանն անհրաժեշտ բուժզննում և տարբեր հետազոտություններ է  անցնում արտերկրում, ինչը պայմանավորված է այն հանգամանքով, որ նա տարիներ առաջ արտերկրում հաղթահարել է ծանր հիվանդությունը, որից հետո նա  իր հիվանդության պատմությանը լավատեղյակ բժիշկների խմբի մշտական հսկողության տակ է: Ներկայումս, առողջական վիճակով պայմանավորված, նախագահը մասնագիտացված բժշկական հետազոտություն է անցնում:

Համապատասխան հետազոտություններն ու բուժզննումն ավարտելուց հետո նախագահ Սարգսյանը կվերադառնա Հայաստան»:
Հաջորդիվ հարցրել էինք.  «ՀՀ նախագահի հրաժարականի հայտարարության մեջ կա այսպիսի հատված.  «Մենք խորհրդարանական հանրապետություն ենք ձևով, բայց ոչ բովանդակությամբ: Իմ առաջարկության իմաստը և նպատակը եղել է ոչ թե կառավարման մի ձևից մյուսին (խորհրդարանականից կիսանախագահականի կամ նախագահականի) անցնելը, այլ զսպումների և հակակշիռների վրա հիմնված պետական համակարգ ստեղծելը: Առանց դրա դժվար է խոսել նշանակալից ձեռքբերումների մասին, քանի որ առաջընթացի և հաջողության հնարավոր է հասնել միայն կանխատեսելի և ներդաշնակ համակարգի պայմաններում»:

Խնդրում եմ հայտնել՝ ՀՀ նախագահը արդյոք ի՞նչ նկատի ունի «Իմ առաջարկության իմաստը և նպատակը եղել է ոչ թե կառավարման մի ձևից մյուսին (խորհրդարանականից կիսանախագահականի կամ նախագահականի) անցնելը, այլ զսպումների և հակակշիռների վրա հիմնված պետական համակարգ ստեղծելը» ասելով: Կառավարման ո՞ր մոդելը նկատի ունի ՀՀ նախագահը՝ «զսպումների և հակակշիռների վրա հիմնված պետական համակարգ» ասելով:

Նախագահականից այսպես են պատասխանել. «Հանրապետության նախագահի՝ ս.թ. հունվարի 23-ի հայտարարությունը չենք մեկնաբանում և առաջարկում ենք Ձեր հարցերի պատասխանները փնտրել հենց հայտարարության տեքստում: Ինչ վերաբերում է «զսպումների և հակակշիռների վրա հիմնված պետական համակարգ» ձևակերպմանը, ապա նախագահ Սարգսյանն իր  հրապարակային հարցազրույցներում ու ելույթներում բազմիցս անդրադարձել է այդ թեմային՝ նշելով, որ անկախ կառավարման ձևից` Սահմանադրությունը զսպումների և հակակշիռների արդյունավետ մեխանիզմներ պետք է ունենա։

Մեզ հետաքրքիր էր նաև՝ արդյոք ՀՀ նախագահը սահմանադրական փոփոխությունների վերաբերյալ առաջարկներ ներկայացրե՞լ է ՀՀ կառավարությանը և կամ 2020 թվականի փետրվարի 12-ին ստեղծված սահմանադրական բարեփոխումների մասնագիտական հանձնաժողովին (կամ էլ՝ 2021 թ. դեկտեմբերի 17-ին վարչապետի որոշմամբ ստեղծված  սահմանադրական բարեփոխումների խորհրդին): Եթե այո, ապա ինչպե՞ս են արձագանքել նախագահի առաջարկներին:

«Ինչ  վերաբերում է սահմանադրական փոփոխությունների վերաբերյալ առաջարկներին, ապա նախագահ Սարգսյանը 2020թ. հուլիսին հանդիպել է այն ժամանակ գործող՝ սահմանադրական բարեփոխումների մասնագիտական հանձնաժողովի մի խումբ անդամների հետ և ներկայացրել իր մոտեցումները:

Հանրապետության նախագահի աշխատակազմը սահմանադրական բարեփոխումների խորհրդին տվյալ պահի դրությամբ առաջարկություններ չի ներկայացրել՝ հաշվի առնելով, որ խորհուրդն ընդամենը վերջերս է ձևավորվել, և դրա համար նախատեսված ժամանակը դեռևս սպառված չէ»,-արձագանքել են հասարակայնության հետ կապերի վարչությունից:

Հ.Գ. Նկատենք, որ հարցումը ուղարկել ենք երեկ, օրվա առաջին կեսին, երբ դեռ «Հետք» պարբերականը չէր հրապարակել Արմեն Սարգսյանի վերաբերյալ սկանդալային հոդվածը, ըստ որի՝ Արմեն Սարգսյանը Սենթ Քիթս և Նևիսի քաղաքացիություն ունի, որից հրաժարվելու պաշտոնական գործընթացը սկսել է 2018-ի մարտին, նախագահ ընտրվելուց ոչ շատ շուտ, և այս պարագայում, ըստ պարբերականի, ՀՀ  Սահմանադրությամբ նա չէր կարող նախագահ ընտրվել։ Պարբերականը եզրակացրել էր, որ «Սարգսյանը, հավանաբար, Հայաստան չի վերադառնա, քանի որ կարող է քրեական պատասխանատվության ենթարկվել փաստաթուղթ կեղծելու հիմքով»:

Հավելենք, որ դատախազությունը Ա. Սարգսյանի՝ մինչև նախագահ դառնալը այլ երկրի քաղաքացի լինելու մասին «Հետք»-ի հրապարակումն ուղարկել է ԱԱԾ: Նախագահականից  այս հարցի առնչությամբ  դեռևս պարզաբանում չի հնչել:

Բաժիններ
Ուղիղ
Լրահոս
Որոնում