Saturday, 28 05 2022
ՀՀ տարածքում ավտոճանապարհները հիմնականում անցանելի են
00:45
Կապիկի ծաղիկի դեպքում զանգվածային պատվաստումների կարիք չկա․ ԱՀԿ
Գործող ատրակցիոնների կանխարգելիչ ուսումնասիրություններ է կատարվել
Տարոն Մարգարյանի և Արծվիկ Մինասյանի նկատմամբ քրեական գործ է հարուցվել
ԱԱԾ նախկին տնօրեն Միքայել Համբարձումյանը Lexus-ով բախվել է Toyota-ին
Սահմանազատումը և Արցախի կարգավորման գործընթացը ոչ մի դեպքում չպետք է միասին քննարկել
Պետությունը պետք է պատվիրի և վճարի
ՔՊ խմբակցությունը չի տրվելու ընդդիմության քաղաքական շանտաժին. արտահերթ նիստին չի մասնակցի
«Առաջին» լրատվական-վերլուծական թողարկում
Արցախի նախագահն իր և արցախցիների անունից ՀՀ դատախազությանը խնդրել է վերանայել Ավետիք Չալաբյանի նկատմամբ ընտրված խափանման միջոցի անհրաժեշտությունը
Այս պահին Հայաստանի պետական շահն ավելի առաջնային է, քան Արցախինը
ՀՀ նախագահը մի շարք երկրներում դեսպաններ է նշանակել
Անն Լույոն այցելել է Մարտիրոս Սարյանի տուն-թանգարան
22:15
Իսրայելի ԱԳ նախարարն ու ԱՄՆ պետքարտուղարը քննարկել են Ջո Բայդենի առաջիկա այցը
Թուրքիայի պաշտպանության նախարարն աշխատանքային այցով Ադրբեջանում է
21:45
Հնդկաստանի Գերագույն դատարանը մարմնավաճառությունը ճանաչել է որպես մասնագիտություն
ՌԴ-ից հեռացած ՏՏ մասնագետների 85 տոկոսը վերադարձել են․ Միշուստին
21:15
ԱՄՆ պետքարտուղարը և Ուկրաինայի ԱԳ նախարարը քննարկել են համաշխարհային պարենային անվտանգությունը
21:00
Ռուսաստանի նախագահը և Ավստրիայի կանցլերը քննարկել են իրադրությունն Ուկրաինայում
20:50
Բրյուսելում հունիսի 15-16-ը տեղի կունենա ՆԱՏՕ-ի պաշտպանության նախարարների հանդիպումը
20:40
Մեծ Բրիտանիայում կապիկի ծաղիկով վարակվածների թիվը հասել է 106-ի
Չարենցավանում 32-ամյա ամուսինը կրակել Է կնոջ վրա. վերջինս հիվանդանոց է տեղափոխվել
20:20
ԵՄ -ն որոշել է ձեռք բերել կապիկի ծաղիկի դեմ պատվաստանյութ և դեղամիջոց
Ծիծեռնակաբերդի խճուղում մեծ թափով ընթանում է փլուզված հատվածի վերակառուցումը
Live. «Առաջին լրատվական» տեղեկատվական-վերլուծական կենտրոն
19:51
Մեծ Բրիտանիան պատրաստ է ակտիվորեն մասնակցել հետպատերազմյան Ուկրաինայի վերականգմանը
Արցախի նախագահը Գորիսում ընդունել է Փարիզի քաղաքապետի գլխավորած ներկայացուցչական պատվիրակությանը
Հայաստանը Չինաստանը կհամագործակցեն արբանյակային պատկերների կիրառման ոլորտում
19:24
Team Telecom Armenia-ն՝ միջազգային ՏՏ համաժողովների տեխնոլոգիական գործընկեր
Վաղվա հանրահավաքը Արցախում ազգադավ օրակարգ է

Մի մասով գործն արդեն ուղարկվել է գույքի բռնագանձման. Արամ Հարությունյանի մասով շուտով գործը կավարտվի և կստանամ իմ գումարները

Կոռուպցիոն հանցագործությունների համար մեղադրվող ու արդեն երեք տարի հետախուզվող բնապահպանության նախկին նախարար Արամ Հարությունյանի գործը դատախազությունը վերադարձրել է Հակակոռուպցիոն կոմիտե՝ լրացուցիչ քննության։

Վերջին երկու օրվա ընթացքում սա արդեն երկրորդ հնչեղ գործն է, որ այս ճակատագրին է արժանանում։ Ավելի վաղ դատախազությունը նույն կերպ վարվել էր նախկին ոստիկանապետ Վլադիմիր Գասպարյանի գործի դեպքում։ Դատախազությունն ու հակակոռուպցիոն կոմիտեն նույնիսկ հաղորդագրությունների միջոցով հրապարակային էին դարձրել իրենց տարաձայնությունները։

Վերահսկող դատախազը չի հաստատել Արամ Հարությունյանի մեղադրականը. սա իրավապահների գնահատմամբ՝ Հայաստանի պատմության մեջ ամենախոշոր կաշառքի գործն է։ Խոսքը 14 միլիոն դոլար կաշառքի, փողերի լվացման և կոռուպցիոն այլ չարաշահումների մասին է։

Նշենք, որ գործարար Սիլվա Համբարձումյանն էր հեղափոխությունից հետո հայտարարել, որ 2008-ին կաշառք է տվել բնապահպանության նախարարին, որ իրեն դյուրությամբ, առանց իրական աճուրդների հանքեր շահագործելու արտոնագրեր տրվեն։ Հետախուզման մեջ գտնվող 54-ամյա Հարությունյանը մեղադրանքը չի ընդունում, նրա փաստաբան Երեմ Սարգսյանն ավելի ուշ հանդես կգա մեկնաբանությամբ։

Նախքան գործը վերադարձնելու դատախազության որոշումը՝ Հակակոռուպցիոն կոմիտեի քննիչ Դավիթ Կոստանդյանը պնդել էր՝ ձեռք բերված ապացուցները հիմնավոր են. «Ավելի քան հիմնավոր են։ Այ սա կոռուպցիոն շղթա էր, որ Հայաստանում ստացված կաշառքը, կաշառք ստանալու վերաբերյալ ձեռք բերված պայմանավորվածության արդյունքում, Արաբական Միացյալ Էմիրությունների բանկային հաշվեհամարին փոխանցված կաշառքը միջազգային տարբեր բանկերով կատարված փոխանցումների արդյունքում ի վերջո փոխանցվում է Հայաստանի Հանրապետություն, այստեղ կանխիկացվում և մի քանի տարվա ընթացքում գումարը տրվում է կաշառք ստացող պաշտոնատար անձին։ Դրա համար էլ սա հանցավոր ճանապարհով ձեռք բերված գույքի օրինականացման օրինակ է, թե ինչպես է փողերի լվացումը կատարվել», – ասել էր նա «Ազատությանը»:

Այս առնչությամբ գործարար Սիլվա Համբարձումյանը «Առաջին լրատվական»-ի հետ զրույցում նշեց. «Ես ճշտել եմ, որ դատախազությունը ոչ թե չի հաստատել մեղադրականը, այլ գողությունը, կաշառք տալը, փողերի լվանալը հաստատված է, միայն 308-րդ հոդվածի հետ կապված ինչ-որ բաց է եղել, դրա համար հետ է վերադարձվել նույն քննիչին: Քննիչը այդ մասը կլրացնի, հետ կուղարկի դատախազություն: Եվ կաշառք տալը, և փողերի լվանալը ապացուցված են»:

Հարցին, թե ի՞նչ ակնկալիքներ ունի այս գործից, արդյոք կարծում է, որ կհաջողվի հետ ստանալ իր տված կաշառքը, Սիլվա Համբարձումյանը պատասխանեց. «Մի մասով դատախազությունը գործն արդեն ուղարկել է գույքի բռնագանձման: Իսկ այս հատվածը կոնկրետ Արամ Հարությունյանի և Սուրեն Ավագյանի մասն է, որոնք գտնվում են փախուստի մեջ: Քանի որ մեզ մոտ օրենքի փոփոխություն է եղել, հեռավար դատավարության հնարավորություն կա, ապա կարծում եմ՝ այս մասով ևս գործը կավարտվի և շուտով կմտնի դատարան, և իմ գումարները ես կստանամ: Բայց քանի որ 308-րդ հոդվածի հետ կապված կա խնդիր, մի փոքր երկարում է, բայց դա նույնպես կգնա դատարան: Ես պնդում եմ իմ ասածը, որ 2008 թվականին Արամ Հարությունյանին տվել եմ կաշառք, կատարված փոխանցումներով դա ապացուցվել է: Իսկ 7 մլն դոլարը Սուրեն Ավագյանն է վերցրել կանխիկ, ամեն անգամ մի հատված, և ես դա պնդում եմ»:

Գործարարի համոզմամբ ոչ մի հակասություն չկա դատախազության և Հակակոռուպցիոն կոմիտեի միջև. «Երևեի 308-րդ հոդվածի հետ կապված տեխնիկական խնդիր է եղել, դա էլ քննիչը կուղղի, կուղարկի»:

Նա տեղեկացրեց, որ ինքը միայն Արամ Հարությունյանի մասով է դիմել դատարան, իսկ Սերժ Սարգսյանի և Ռոբերտ Քոչարյանի հետ կապված իրեն են հրավիրել հարցաքննության՝ «Մարտի 1»-ի գործով. «Ես միայն Արամ Հարությունյանի մասով եմ հայտարարություն տվել, և դա չի եղել հեղափոխությունից հետո: 2017-ից է գնում այդ գործը: Նախկին իշխանությունները փորձել էին կոծկել, բայց քանի որ ես Դուբայից ստացա բանկի փաթեթը և գնացի քննիչի մոտ, պարզվեց, որ իրենք էլ էին տացել և ուզում էին ինձ այդտեղ խաբել, մեր մեջ ասած, «քցեինք», գործը կարճեին կամ կասեցնեին, բայց չհաջողվեց: Երբ ես 2017-ին ստացել եմ այդ փաթեթը, գնացել եմ նույն քննիչի մոտ, ասել եմ՝ ես ստացել եմ փաթեթը, դուք էլ եք ստացել: Ինձ ասաց՝ այո, ստացել ենք, և գործը վերսկսեցին: Այդ գործը 2015-ից է գնում, արդեն 7 տարի, և դեռ չեմ ստացել իմ գումարները»,-ընդգծեց Սիլվա Համբարձումյանը:

Բաժիններ
Ուղիղ
Լրահոս
Որոնում