Ռուսաստանի եւ Սիրիայի ռազմական օդաչուներն առաջին համատեղ օդային պարեկությունն են անցկացրել Սիրիայի Արաբական Հանրապետության տարածքի նկատմամբ: Այդ մասին, հաղորդել Է ՌԻԱ Նովոստիի թղթակիցը: Ռուսաստանի օդատիեզերական ուժերը ներկայացվել են Սու-34, Սու-35 կործանիչներով եւ Ա-50 հեռառադիոլոկացիոն հայտնաբերման ինքնաթիռներով: Սիրիական կողմից մասնակցել են Միգ-23-ը եւ Միգ-29-ը:
Ռուսաստանցիները թռիչքն իրականացրել են Խմեյմիմի ավիաբազայից, սիրիացիները՝ Դամասկոսի մերձակայքում գտնվող «Սեյքալ» եւ «Դումայր» օդակայաններից: Գործընթացում առաջինները կատարելագործել են հարվածները վերգետնյա թիրախների ուղղությամբ, երկրորդները պատասխանատու են եղել օդային տարածքի եւ պաշտպանական զորամասի հսկողության համար:
Պարեկության երթուղին անցնում Էր Գոլանի բարձունքների երկարությամբ, այնուհետեւ հարավային սահմանով, Եփրատի երկայնքով դեպի վեր եւ Սիրիայի Արաբական Հանրապետության հյուսիսային շրջանների վրայով: Բացի այդ, անձնակազմերն անցկացրել են հրթիռների ուսումնական արձակումներ օդային թիրախների ուղղությամբ եւ խոցել վերգետնյա թիրախները երկրի կենտրոնական մասում տեղակայված զինափորձարաններից մեկում: Նման համատեղ թիրչքները պետք Է դառնան կանոնավոր, հաղորդել Է ՌԻԱ Նովոստին:
