Ուկրաինական ռազմական հետախուզության տվյալներով՝ Ռուսաստանը գրեթե ավարտել է զորքերի մոբիլիզացիան սահմանային գոտում և տեղակայել է ավելի քան 127 հազար զինծառայող։ Ուկրաինայի պաշտպանության նախարարության ռազմական հետախուզության զեկույցի համաձայն, որով կիսվել է բացառապես «CNN»-ի հետ, նշվում է, որ Ռուսաստանը ցանկացած պահի կարող է հարձակում ձեռնարկել։
Ուկրաինական ռազմական հետախուզության հաղորդագրության համաձայն՝ Ուկրաինայի ուղղությամբ ռուսական բանակի ստորաբաժանումների ցամաքային զորքերը ներառում են 106 000 զինծառայող, որին գումարվում է ռազմածովային և ցամաքային բաղադրիչը։
Ըստ զեկույցի՝ Ռուսաստանը երկարաժամկետ հեռանկարով զորքեր է տեղակայել արևմտյան սահմաններին կենտրոնական և արևելյան շրջաններից։
«Ռուսաստանը զենքի մատակարարումները տեղափոխում է սահմաններ, դաշտային հիվանդանոցներ և անվտանգության ծառայություններ։ Ռուսաստանն աջակցում է ավելի քան 35 000 ապստամբների Ուկրաինայի արևելքում և ունի մոտ 3000 սեփական զինվորականներ ապստամբների տարածքում»,- ասվում է զեկույցում։
Զեկույցում նշվում է նաև, որ Ռուսաստանը փորձում է պառակտել և թուլացնել Եվրամիությունն ու ՆԱՏՕ-ն, ինչպես նաև սահմանափակել ԱՄՆ-ի հնարավորությունները եվրոպական մայրցամաքում։