ԱՄՆ կոգրեսում քննարկվում է Ռուսաստանի դեմ պատժամիջոցների հնարավոր նոր փաթեթ:Փաթեթի առանցքում քննարկում են «Swift» համակարգից ՌԴ-ին անջատելու հեռանկարը: ԱԺ-ում հայտարարեց «Հայաստան» խմբակցության պատգամավոր Արմեն Գևորգյանը և հետաքրքրվեց ԿԲ նախագահի տեղակալի տեկնածու Հովհաննես Խաչատրյանից՝ գնահատվե՞լ է սրա ազդեցությունը Հայաստանի բանկային համակագրի վրա, արդյոք դա կարող է ինչ-որ պրոբլեմներ առաջացնել նաև մեզ մոտ:
Հովհաննես Խաչատրյանն էլ նշեց, որ ՌԴ-ն Հայաստանի տնտեսական հիմնական գործընկերն է, ուստի ցանկացած շոկեր գնահատվում են՝ պրոյեկտելով ՀՀ տնտեսության վրա.
« Ռուսական ընկերությունների՝ «Swift»-ի հետ կապված սահմանափակումները շատ մեծ, էական բաներ են փոխելու տարածաշրջանում:Առաջին հերթին թեկուզ իրենց տնտեսական խնդիրներից, արժութային շոկերից ածանցված ռիսկերը, որոնք կարող են ներթափանցել մեզ մոտ: Այս շոկերը պարբերաբար գնահատվում են՝ չնայած, որ մի փոքր կախվածությունը նվազել է, առաջ ավելի գծային էր, հիմա այդպես չէ», – ասաց Խաչատրյանը:
Նա նաև հավելեց, որ ԵԱՏՄ շրջանակում Հայաստանն ու անդամ մյուս երկրները ցանկացած նախաձեռնություններում ամեն բան անում են, որ, օրինակ, Հայաստանն ու Ղազախստանը չհայտնվեն սանկցիաների մեջ.
«Բացի աշխարհաքաղաքական նկրտումներից՝ այլ պատճառներ չկան, որ կարող են այդ սանկացիաներն ավտոմատ կերպով տարածվել մյուս երկրների վրա: Որոշակի այլընտրանքներ ստեղծվում են «Swift»-ին, բայց, ամեն դեպքում, «Swift»-ը գլոբալ է», – ասաց ԿԲ նախագահի տեղակալի թեկնածուն: