Ղազախստանի իրավապահ մարմինները հակաահաբեկչական գործողության սկզբից Ալմաթիում ձերբակալել են 2 748 մարդ անօրինական ակցիաների, կողոպուտի եւ այլ հանցագործությունների մասնակցության համար: Հունվարի 17-ին հաղորդվել Էր 2 601 ձերբակալվածների մասին:
«Ընդամենը հակաահաբեկչական գործողության սկզբից ձերբակալվել Է անօրինական ակցիաների, կողոպուտների եւ այլ հանցագործությունների 2 748 մասնակից: Ընդամենն առգրավվել Է 131 միավոր հրազեն եւ 4 179 ռազմամթերք»,- հունվարի 18-ին հայտնել Է քաղաքի պարետատան մամուլի ծառայությունը: Հունվարի 2-ին Ղազախստանի մի շարք բնակավայրերում տեղի ունեցան բողոքի ակիցիաներ, որոնք մի քանի օր անց վերաճեցին զանգվածային անկարգությունների եւ ավերումների:
Դրանք ուղեկցվեցին ոստիկանների, զինվորականների եւ իշխանության մարմինների վրա հարձակումներով երկրի շատ քաղաքներում, առաջին հերթին Ալմաթիում: Նախագահ Քասիմ Ժոմարտ Տոկաեւի դիմումից հետո Հավաքական անվտանգության պայմանագրի կազմակերպության (ՀԱՊԿ) երկրները հանրապետություն ուղարկեցին խաղաղապահների: Իշխանությունների տվյալներով՝ սահմանադրական կարգը վերականգնված Է բոլոր տարածաշրջաններում: Գլխավոր դատախազության տվյալներով՝ անկարգությունների ընթացքում տուժել Է ավելի քան 4,5 մարդ, դիարաններ Է տեղափոխվել զոհվածների 225 մարմին, հաղորդել Է ՏԱՍՍ-ը:
