Մեզ խաղաղություն է պետք․ քաղաքացիները դեմ չեն Թուրքիայի հետ երկխոսությանը

«Առաջին լրատվականը» հարցախույզ է անցկացրել Երևանում՝ պարզելու՝ քաղաքացիները ինչպես են վերաբերվում հայ-թուրքական հարաբերությունների շուրջ բանակցություններին,որը մեկնարկում է հունվարի 14-ից, ի՞նչ են ակնկալում երկխոսությունից, պե՞տք է արդյոք խոսել Թուրքիայի հետ, ինչպես նաև պարզելու՝ Հայաստանն ինչ պահանջներ պետք է ներկայացնի Թուրքիային և հատկապես ի՞նչը կարևորի այդ բանակցություններում։ Հարցվողների մեծ մասը դեմ է երկխոսությանը, չունի որևէ դրական ակնկալիք այս բանակցություններից, քանի որ ո´չ Թուրքիան, ո´չ Ադրբեջանը չեն ձգտում խաղաղության, այլ մեզանից նորանոր զիջումներ կորզել, այն էլ հիմա՝ այսպիսի թույլ վիճակում, չվերականգնված բանակով կամ ձգտելու են ոչնչացնել մեզ։ Բացի այդ՝ թուրքերի հետ երկխոսություն սկսելը կնշանակի մոռանալ և´ Հայոց ցեղասպանությունը, և ´Արցախի պատերազմի ժամանակ մեր դեմ կատարած հանցավոր չարագործություններն,մեր անմեղ զոհերին, սուրբ նահատակությունը՝ հնարավորություն տալով նոր հանցանքներ գործելու,որովհետև,եթե նա չի ընդունում իր հանցանքը, նշանակում է՝ նորից կկատարի ոճրագործություն։