Թուրքիայում կորոնավիրուսով վարակումների օրական դեպքերը հունվարին նախորդ տարվա դեկտեմբերի համեմատ քառապատկվել են: Այս մասին հայտարարել է Թուրքիայի առողջապահության նախարար Ֆահրեդդին Քոջան:
Նա տեղեկացրել է, որ երկրում դոմինանտ է դարձել կորոնավիրուսի «օմիկրոն» շտամը:
Քոջան հայտնել է, որ երկրում 10 տոկոսով ավելացել է բժշկական օգնության կարիք ունեցող վարակակիրների թիվը:
Թուրքիայում պաշտոնապես կորոնավիրուսի առաջին դեպքը գրանցվել է 2020 թվականի մարտի 10-ին: 2021 թվականի հունվարի 14-ին երկրում իրականացվում է բնակչության զանգվածային պատվաստման գործընթացը: Օգտագործվում են CoronaVac, Pfizer և թուրքական արտադրության Turkovac պատվաստանյութերը: Երկրի առողջապահության նախարարության տվյալներով պատվաստվել է ավելի քան 137 մլն մարդ, միայն առաջին դեղաչափով՝ 57 մլն մարդ: