2021 թվականին Իտալիայի տնտեսության աճը կազմել Է 6,2 տոկոս, ըստ որում սպառողական ծախսերն ավելացել են 5,1 տոկոսով: Այդ մասին ասված Է Իտալիայի Confcommercio ձեռնարկիչների ասոցիացիայի՝ հրապարակված զեկույցում:
Նշված Է, որ սպառողական ծախսերի վերականգնումը տեղի Է ունենում ավելի դանդաղ, քան կանխատեսվել Էր: Մի շարք հատվածներ նախկինի պես խիստ տուժում են համավարակից. մասնավորապես, սպառողական ծախսերը ռեստորանային եւ հյուրանոցային հատվածների ոլորտում 2019 թվականի համեմատությամբ նվազել են համապատասխանաբար 27,3 տոկոսով եւ 34,8 տոկոսով: Փաստաթղթում նշված Է, որ Իտալիայում սպառողական ծախսերի վերադարձը մինչհամավարակային մակարդակներ տեղի կունենա 2023 թվականից ոչ շուտ, հաղորդել Է ՏԱՍՍ-ը:-