Նշանակվել են մի շարք փորձաքննություններ, Շենգավիթի քննչական բաժնում նյութեր են նախապատրաստվում:
Երևանում՝ Շենգավիթի թաղապետարանի հարևանությամբ գտնվող բարձրահարկ շենքի մոտ, հայտնաբերվել է Հայաստանում հայտնի բանկերից մեկի պլաստիկ քարտերով գործառնությունների վարչության պետի տեղակալի դին։ Տեղեկությունը հայտնում է shamshyan.com–ը։
Ըստ հաղորդագրության` այսօր՝ ժամը 09:30-ի սահմանում, ոստիկանության Շենգավիթի բաժինն ահազանգ է ստացել, որ Նժդեհի փողոցում ՝ «Հայէկոնոմբանկի» մասնաճյուղի դիմաց, տղամարդու դի կա:
Դեպքի վայր են մեկնել ոստիկաններն ու քննիչները։
Կայքի տեղեկություններով՝ մահացածը Երևանի բնակիչ, 52-ամյա Ա. Ղ.-ն է։
Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական: