Tuesday, 18 01 2022
Նազարբաևը հայտարարել է, որ այժմ ինքը թոշակառու է և գտնվում է մայրաքաղաքում
Ջրականից հայտնաբերվել է ևս մեկ աճյուն
19:00
Բրիտանական ռազմա-փոխադրական ինքնաթիռները մեկ օրում հինգ չվերթ են կատարել Ուկրաինա
Նիկոլ Փաշինյանի մոտ տեղի է ունեցել խորհրդակցություն
Հրանտ Դինքը որպես նոր հանրապետության հիմնադիր. բացեք Թուրքիա-Հայաստան սահմանը և սահմանի դարպասը անվանեք Դինքի դարպաս. Թաներ Աքչամ
Արցախում հանրային խորհրդի ստեղծման հարցը հատուկ ուշադրության կենտրոնում է
«Պասերով» խաղ է խորհրդարանում․ Քոչարյանը հեղաշրջում անելու որևէ շանս չունի այսօր
18:40
Աշխարհահռչակ Թեքբոլն արդեն Հայաստանում
18:37
Apple Pay-ն արդեն հասանելի կդառնա Ինեկոբանկի հաճախորդների համար
Հայկական հարցը Թուրքիայի հետ «պարբերական առևտրի» ծիրում. նենգափոխու՞մ, թե՞ մոլորություն
Հակակոռուպցիոն կոմիտեն անօրինական և անհիմն է գնահատում Վլադիմիր Գասպարյանի գործով դատախազության դիրքորոշումը
Բժշկական անհրաժեշտ հետազոտություն անցնելու նպատակով Արմեն Սարգսյանը մեկնել է կարճատև արձակուրդ
Ողջունելի է, որ սկսել եք նախագահ Քոչարյանի գիրքը կարդալ․ Խամոյանը՝ Դավոյանին
Իսրայելի վարչապետն Իրանին կոչ է արել հրաժարվելու միջուկային ծրագրից
Այս նստաշրջանը կարող ենք կոչել Քոչարյանը և Թուրքիայի բանակցությունները․ Վահագն Ալեքսանյան
Թուրքիան այս տարեսկզբին կներկայացնի Hürjet ուսումնական մարտական ինքնաթիռը
Գերիների հարցը չպետք է դառնա քաղաքական շահարկման առարկա․ Լիլիթ Ստեփանյան
Վրաստանը վերապրում Է կորոնավիրուսի վեցերորդ ալիքը «օմիկրոն» նոր շտամի կապակցությամբ
Ցանկացած վատ բան, որ արել է Քոչարյանը, ավտոմատ լավ բան է․ Ռուբինյանը հեգնեց ընդդիմությանը
17:39
ԳՀՀԾ-ն փրկելու համար ավելի ու ավելի քիչ ժամանակ Է մնում. Գերմանիայի ԱԳ նախարար
Ալիևի մասին կարդացեք ձեր սիրելի Քոչարյանի գրքում․ Արփինե Դավոյանը հատված ընթերցեց
Թուրքիան և Ադրբեջանն այս տարի սկսելու են Իգդիր-Նախիջևան գազատարի շինարարությունը
«Իշխանությունը պետք է անցնցում հեռանա․․․․»․ Գեղամ Նազարյան
Ադրբեջանի արտգործնախարարը մեկնել է Ավստրիա՝ ԵԱՀԿ ֆորումին մասնակցելու
Ընդդիմությունը հույս ունի, որ կիրականացնի իր վաղեմի երազանքը՝ զավթել իշխանությունը․ Գագիկ Մելքոնյան
17:26
Մեծ Բրիտանիան երեք ինքնաթիռ սպառազինություն Է ուղարկել Ուկրաինա. «Ֆոկուս»
Այս իշխանություններից չազատվելու դեպքում, աղջիկների սիրած տղաները բռնելու են արտագաղթի ճամփան․ Կյուրեղյան
17:20
Մալթայից պատգամավոր Ռոբերտա Մետսոլային ընտրել են Եվրախորհրդարանի խոսնակ
Հասել ենք մի կետի, որ սահմանից զինվորներ են կորում․ Տիգրան Աբրահամյան
17:15
Մալին խնդրել Է Ֆրանսիային՝ վերանայել պաշտպանական համաձայնագրերը. AFP

Հայաստանը չէ, որ որոշելու է՝ ապագայում ՀԱՊԿ-ը կգա իրեն օգնելու, թե ոչ

«Առաջին լրատվական»-ի հարցերին պատասխանել է «Ազատ քաղաքացի» ՀԿ նախագահ Հովսեփ Խուրշուդյանը

 Պարոն Խուրշուդյան, արդեն տևական քննարկվում և մտավախություններ են հնչում ՀԱՊԿ-ի շրջանակներում Ղազախստան հայկական զորախումբ ուղարկելու հետ կապված: Տեսակետներ կան, որ Ղազախստանում զարգացումների երկրորդ ամենամեծ զոհը Հայաստանն է դառնալու և առաջիկայում դրա արձագանքները տեսնելու ենք: Ձեր կարծիքով ինչպիսի արձագանք ու հետևանք է ունենալու այս ամենը Հայաստանի համար:

Ես համամիտ եմ, որ Ղազախստանից հետո երկրորդ ամենաշատ տուժող կողմը լինելու է Հայաստանը: Դա կապված է նրա հետ, որ Հայաստանի հանդեպ Պուտինը կիրառում է, ըստ էության, հիբրիդային դիվանագիտություն: Այն, ինչ Պուտինն անում է Էրդողանի հետ, ամեն ինչ անելով Թուրքիային պոկելու համար Արևմուտքից և սրելու համար Արևմուտքի և Էրդողանի հարաբերությունները, նույնը հիմա անում է Հայաստանի հետ՝ հեռու պահելու համար Հայաստանը Արեւմուտքից: Էրդողանի դեպքում դա առանձնանում է նրանով, որ շատ մեծ գին են վճարում Թուրքիային դրա համար: Մասնավորապես, իրենց հաշվին ատոմակայաններ են կառուցում Թուրքիայում, նորագույն ռազմական տեխնիկա են մատակարարում այդ երկրին, բայց մեր դեպքում Հայաստանը դրա դիմաց ոչինչ չի ստանում: Այսինքն Հայաստանը վատացնում է իր հարաբերություններն Արևմուտքի հետ՝ ներգրավվելով նման կարգի գործողությունների մեջ, բայց միաժամանակ դրա դիմաց ոչինչ չի ստանում: Որովհետև Հայաստանը չունի այն կշիռը Պուտինի համար, որպեսզի Հայաստանի համար ինչ-որ պրեֆերենցիաներ հատկացնեն, Հայաստանի շահերից բխող քայլեր անեն, ինչ է թե Հայաստանին հեռու պահեն Արևմուտքի հետ իր հարաբերությունները սերտացնելուց: ՀՀ իշխանությունները Պուտինին սովորեցրել են, որ առանց այդ էլ Կրեմլի ցանկացած հրահանգ պատրաստ են կատարել, ու ինձ համար արդեն անհասկանալի է՝ հանուն ինչի, որովհետև իշխանությունը կարծես թե բավականին ամուր է, իր լեգիտիմությունը վերահաստատվել է հունիսին և իրենք բավականին ինքնուրույն քայլեր կարող են իրականացնել: Հետևաբար, ես չեմ տեսնում այն օբյեկտիվ ու ռացիոնալ պատճառները, որոնք դրդում են գործող իշխանություններին հլու-հնազանդ, անգամ փութաջանորեն նետվել Ռուսաստանի կայսերական ծրագրերը իրականացնելու գործին՝ քաղաքակիրթ աշխարհում սեփական հեղինակության անկման հաշվին:

Ասում են՝ ՀԱՊԿ-ի կշիռն ենք վերականգնում, այն ժամանակ ՀԱՊԿ-ն անարձագանք էր թողնում Հայաստանի հետ կապված հարցերը, բայց հիմա ԱԽ քարտուղարն ասում է, որ կառույցն սկսում է աշխատել: 

ՀԱՊԿ-ի կշռի հարց չէր, ոչ էլ տեխնիկական կարգավորումների հարց էր, երբ ՀԱՊԿ-ը չօգնեց Հայաստանին, այլ քաղաքական որոշման հարց էր: Այնպիսի տպավորություն ունեմ, որ կամ իշխանությունները դա չեն հասկանում, որ կամ ձևացնում են, որ չեն հասկանում: Ի՞նչ է նշանակում՝ ուժեղացնում ենք ՀԱՊԿ-ը: ՀԱՊԿ-ը Ռուսաստանն է, Պուտինն է: Այսինքն երբ որ իրեն պետք լինի, առանց այդ կարգավորումների գոյության էլ ցանկացած որոշում ինքը կացկացնի: Իսկ երբ պետք չի որոշ որոշումներ անցկացնել, Պուտինը հղում կանի, որ կարգավորումներ չկան: Հիմա մտնել այդ խաղի մեջ ու ասել՝ դե լավ, եթե կարգավորումներ չկան, եկեք նախադեպեր ստեղծենք, որ ՀԱՊԿ-ը դառնա գործոն, որ ի՞նչ: Որ հետո ՀԱՊԿ-ը ստեղծված կարգավորումների ու փորձի վրա գա Հայաստանին օգնությա՞ն: Սա ի՞նչ պարզունակ մոտեցում է: Դրա հետ բացարձակ կապ չունեն ՀԱՊԿ-ի քայլերը: Հայաստանի նվիրվածությամբ չէ, որ որոշելու է՝ ապագայում ՀԱՊԿ-ը կգա իրեն օգնելու, թե ոչ: Հայաստանը 29 տարի Ռուսաստանի հավատարիմ դաշնակից է եղել: Տեսանք հետեւանքները: Հայաստանի ոչ հեղինակությունը, ոչ դերակատարությունը այս փութաջանության հետևանքով, որ Նիկոլ Փաշինյանը դրսևորել էր Ղազախստանի դեպքերի հետ կապված, որևէ կերպ չի ավելացնելու ոչ Հայաստանի կշիռը, ոչ էլ հավանականությունը, որ վաղը ՀԱՊԿ-ը պետք եղած պահին կգա մեզ օգնության: ՀԱՊԿ-ի թյուրքալեզու երկրնե՞րն են գալու մեզ օգնության ընդդեմ Ադրբեջանի կամ Թուրքիայի: Թե՞ Իլհամի ու Մեհրիբանի մտերիմ ընկեր ու նրանց հարյուր միլիոնավոր դոլարանոց վարկերից ու օգնություններից կախված Լուկաշենկոն: Թե՞ մինչեւ ուղնուծուծը Ալիեւին եւ Ռուսաստանի ադրբեջանցի օլիգարխներիբն ծախված Կրեմլի իշխող կլեպտոկրատները:

Ձեր կարծիքով այս զարգացումների հետևանքով Հայաստանին որտեղի՞ց վտանգներ կգան: Մենք տեսնում ենք, որ նույնիսկ Թուրքիայի ընդդիմությունն է տարակուսանք ու մտահոգություն հայտնում Հայաստանի այս քայլի հետ կապված:

Վտանգն ավելի շատ այնտեղ է, որ եթե Արևմուտքը մեր տարածաշրջանում Ռուսաստանի նկատմամբ իր հակակշռող դերը թուլացնի՝ Հայաստանի շահերի պաշտպանության առումով, դա իսկապես մեծ վնաս կհասցնի Հայաստանին, այդ թվում Հայաստանի տարածքային ամբողջականության վերականգնմանը: Էլ չեմ ասում ավելի լուրջ դեպքերի մասին, որոնք կարող են կապված լինել Ադրբեջան-Նախիջևան միջանցքի, դելիմիտացիայի հետ և այլն: Մինչև հիմա մենք ունեցել ենք, լավ, թե վատ, բայց Արևմուտքի հակակշռումը, և գոնե Բայդենի՝ իշխանության գալուց ի վեր մենք տեսնում ենք ԵՄ-ի ջանքերը, ԱՄՆ-ի օրենսդիր մարմնի ջանքերը, Բայդենի հայտարարությունները: Այս ամեն ինչը որոշակի ֆոն են ստեղծում, որը Հայաստանին մանևրելու դաշտ է տալիս: Հիմա, երբ Հայաստանը նետվում է մի ծայրահեղության մեջ, նետվում է ամբողջությամբ Պուտինի գիրկը, դա մանևրելու հնարավորությունն էապես նվազեցնում է: Այստեղ է ամենամեծ վտանգն այն է, որ սա կարող է դառնալ հիմք տարածքային ու միջանցքային ռիսկերի համար:

Հայաստանն այս բոլոր քայլերը չէր հաշվարկե՞լ, որ այսպես արագ նետվեց Ռուսաստանի գիրկը:

Երբ ասում եք՝ Հայաստանը չէր հաշվարկել, մտածում եք, որ Հայաստանում գործում է հաշվարկող ինչ-որ հանրակա՞րգ, լուրջ ինստիտուտնե՞ր, որոնք նման որոշումներից առաջ նստում հաշվարկում են, հետո նոր քա՞յլ են անում: Ոչ, Նիկոլ Փաշինյանը մի զանգ է ստանում, միանձնյա որոշում է կայացնում, նույն րոպեին կարող են ասել՝ մենք համաձայն ենք, հեսա զորքը ուղարկում ենք: Հայաստանում, ցավոք, որոշումները այդ կերպ են կայացվում: Ոնց որ ժամանակին Սերժ Սարգսյանը մի գիշերում լրիվ Հայաստանի վեկտորը փոխեց, նույն կերպ հիմա Նիկոլ Փաշինյանը կարող է տրամադրության տակ որոշում կայացնի էլ ավելի խորացնել Հայաստանի կախվածությունը Կրեմլից եւ հեռացնել մեր երկիրը Արեւմուտքից: Իսկ դա արդեն ժողովրդավարության հետ կապ չունի, որոշումների կայացման ժողովրդավարական մեխանիզմների, խորհրդակցական, թափանցիկ, համակարգային մոտեցումների հետ կապ չունի:

Բաժիններ
Ուղիղ
Լրահոս
Որոնում