Վարդան Տողանյանը հետ է կանչվել Ռուսաստանում Հայաստանի Հանրապետության արտակարգ և լիազոր դեսպանի պաշտոնից:
ՀՀ պաշտպանության նախկին նախարար Վաղարշակ Հարությունյանը նշանակվել է ՌԴ-ում ՀՀ արտակարգ և լիազոր դեսպան։ Հրամանագիրը ստորագրել ՀՀ նախագահ Արմեն Սարգսյանը։
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 14-րդ հոդվածի 1-ին մասի` Վաղարշակ Հարությունյանին նշանակել Ռուսաստանի Դաշնությունում Հայաստանի Հանրապետության արտակարգ և լիազոր դեսպան»,-նշված է Սարգսյանի հրամանագրում։
Մեկ այլ հրամանագրով էլ Վարդան Տողանյանը հետ է կանչվել Ռուսաստանի Դաշնությունում Հայաստանի Հանրապետության արտակարգ և լիազոր դեսպանի պաշտոնից:
Հիշեցնենք, որ ՀՀ երրորդ նախագահ Սերժ Սարգսյանը 2017-ի մարտի 10-ին ստորագրել է հրամանագիր Վարդանին Տողանյանին Ռուսաստանում Հաաստանի Հանրապետության արտակարգ և լիազոր դեսպանի պաշտոնում նշանակելու մասին: Իսկ Վաղարշակ Հարությունյանը 2020 թ. նոյեմբերի 20-ին նշանակվել էր Հայաստանի պաշտպանության նախարար, իսկ ազատվել էր պաշտոնից 2021-ի հուլիսի 20-ին։
