ԱՄՆ-ի նախկին նախագահ Դոնալդ Թրամփը Twitter սոցիալական ցանցը ժողովրդավարության անարգանք Է համարել: Այդ մասին ասված Է նրա հայտարարության մեջ, որը հունվարի 3-ին տարածել Է նախկին նախագահի մամուլի ծառայությունը:
Թրամփը մեկնաբանել Է Twitter-ում Ներկայացուցիչների պալատի անդամ Մարջորի Թեյլոր Գրինի օգտահաշվի արգելափակումը՝ կորոնավիրուսի մասին անհավաստի տեղեկությունների տարածման համար: Թրամփն ինքը Twitter-ում ընդմիշտ արգելափակված Է 2021 թվականի հունվարի 6-ին նրա կողմանակիցների կողմից Կապիտոլիումի գրոհից հետո:
«Twitter-ը ժողովրդավարության անարգանքն Է: Դրան չի կարելի թույլ տալ աշխատել այս երկրում: Մարջորի Թեյլոր Գրինը ներկայացնում Է բազմաթիվ ազնիվ, հայրենասեր եւ աշխատասեր ընտրողների: Նրանք արժանի չեն նման վերաբերմունքի ստոր Twitter -ի եւ Facebook-ի կողմից: Բոլորը պետք Է հեռանան Twitter-ից եւ Facebook-ից: Դրանք տաղտկալի են, ներկայացնում են սոսկ արմատական «ձախերի» տեսակետը, եւ բոլորն ատում են դրանց: Դրանք խայտառակություն են մեր երկրի համար: Իսկ դու, Մարջորի, շարունակիր պայքարել»: Facebook սոցիալական ցանցը նույնպես արգելափակել Է Թրամփին 2021 թվականի հունվարի 6-ից հետո, սակայն պահպանել Է ապագայում այդ որոշումը վերանայելու հնարավորությունը, հաղորդել Է ՏԱՍՍ-ը:
