ՉԺՀ-ի նախագահ Սի Ծինպինը եւ Ուկրաինայի նախագահ Վլադիմիր Զելենսկին հունվարի 4-ին շնորհավորական հեռագրեր են փոխանակել երկու պետությունների միջեւ դիվանագիտական հարաբերությունների հաստատման 30-րդ տարեդարձի առթիվ: Այդ մասին հաղորդել Է Չինաստանի կենտրոնական հեռուստատեսությունը:
«Ես պատրաստ եմ ձեզ հետ միասին օժանդակելու Էլ ավելի արդյունավետ չին-ուկրաինական հարաբերությունների եւ երկկողմ համագործակցության զարգացմանը բոլոր ոլորտներում»,- հայտարարել Է Սի Ծինպինը:
Ինչպես ճշտել Է նա, ՉԺՀ-ի ղեկավարությունը սեւեռուն ուշադրություն Է նվիրում այն հարցերին, որոնք վերաբերում են Ուկրաինայի հետ ռազմավարական շփումների ձեւավորմանը: Չինաստանի ղեկավարը նշել Է Պեկինի եւ Կիեւի միջեւ փոխադարձ վստահության ամրապնդումը եւ երկու երկրների մշակութային-հումանիտար փոխգործակցության ակտիվացումը: Նրա խոսքով՝ Չինաստանը եւ Ուկրաինան «միշտ կայուն եւ ներդաշնակ հարաբերություններ են պահապնում»:
«Համավարակի շրջանում մեր երկրներն աջակցություն են ցույց տալիս միմյանց: Մենք միասին պայքարում ենք կորոնավիրուսի տարածման դեմ, ինչը վկայում Է չին եւ ուկրաինացի ժողովուրդների միջեւ խորը բարեկամության մասին»,- ամփոփել Է Սի Ծինպինը, հաղորդել Է ՏԱՍՍ-ը:
