Երեւանի թիվ 4 երթուղայինի վարորդին ծեծի ենթարկելու դեպքով հարուցված քրեական գործի նախաքննությունն ավարտվել է եւ գործն ուղարկվել դատարան:
Այս մասին հայտնում են դատական տեղեկատվական համկարգից:
Ըստ մեղադրանքի՝ Արսեն Գագիկի Մանուկյանը 2021 թվականի մայիսի 27-ին՝ ժամը 11:20-ի սահմաններում, Երևան քաղաքի Բաղրամյան 1 հասցեում գտնվող, ընդհանուր տրանսպորտային միջոցների համար նախատեսված ավտոկանգառում՝ «Ֆրանսիայի հրապարակ»-ի հարակից տարածքում, «Գազել» մանիշի, երթուղային թիվ 4 ավտոմեքենան արագ վարելու և Բաղրամյան փողոցով ընթացող, ինքնությունը չպարզված հասարակական օգտագործման տրանսպորտային միջոցի վարորդի հետ ծագած վիճաբանությանը միջամտելու և դրա կապակցությամբ արված դիտողության պատճառով վիճաբանել է Քաջիկ Սպիրիդոնի Գևորգյանի հետ:
Վիճաբանության ժամանակ Արսեն Մանուկյանը ծեծի է ենթարկել Քաջիկ Գևորգյանին՝ պատճառելով առողջության թեթև վնասի հատկանիշներ չպարունակող մարմնական վնասվածքներ:
