Միջազգային օլիմպիկան կոմիտեի (ՄՕԿ) ներկայացուցիչները եւ ճապոնացի պաշտոնյաները կարողացել են վարել ոչ պաշտոնական կոնսուլտացիաներ՝ համաձայնեցնելու համար 2030-ի ձմեռային Խաղերի անցկացումը Սապպորոյում (Հոկայդոյի պրեֆեկտուրայի վարչական կենտրոն): Հունվարի 3-ին այդ մասին հաղորդել Է Kyodo գործակալությունը՝ վկայակոչելով աղբյուրներ:
Քանի որ ՄՕԿ-ը ներկայումս ավելի ու ավելի հաճախակի Է հանդիպում ծախսերի աճի խնդրին Օլիմպիական խաղերի անցկացման համար, մեծ ուշադրություն Է նվիրվում արդեն գոյություն ունեցող ենթակառուցվածքին, ինչպես նաեւ տեղացի բնակիչների կողմից հավանության առկայությանը: 2030-ի Օլիմպիական խաղերի մայրաքաղաքի ընտրության առիթով վերջնական որոշումը կարող Է ընդունվել այս տարվա ընթացքում: Սապպորոն ձմեռային Խաղերն ընդունել Է 1972 թվականին եւ արդեն ունի անհրաժեշտ ենթակառուցվածքային եւ մարզական օբյեկտների մի մասը:
Բացի դրանից, քաղաքի իշխանություններն ընթացիկ տարվա մարտին ցանականում են կատարել բնակիչների հարցում՝ իմանալու համար նրանց վերաբերմունքը նոր Օլիմպիական խաղեր անցկացնելու նկատմամբ: Նախնական հաշվարկներով՝ Հոկայդոյի վարաչական կենտրոնում մրցումների բյուջեն կկազմի 2,4 – 2,6 միլիարդ դոլար: 2022 թվականի ձմեռային Օլիմպիական խաղերը կկայանան Պեկինում (Չինաստան), 2026-ին՝ Միլանում եւ Կորտինա դ’Ամպեցոյում (Իտալիա): 2030 թվականի Խաղերն անցկացնելու ցանկության մասին բացի Սապպորոյից ավելի վաղ հայտնել են Կանադայի Վանկուվերը եւ ԱՄՆ-ի Սոլթ Լեյք Սիթին, հաղորդել Է ՏԱՍՍ-ը:
