Friday, 29 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Արտահանման խնդրում արդյունավետ կարող է լինել միայն թունելի կառուցումը, որն ընթացքի մեջ է

«Առաջին լրատվական»-ը զրուցել է գինեգործ Ավագ Հարությունյանի հետ

-Տարին ինչպիսի՞ն էր գյուղատնտեսության, հատկապես գինեգործական, խաղողագործության բնագավառի համար

– Ընդհանուր առմամբ, իհարկե, լավ եմ գնահատում։ Պաշտոնական տվյալներով,  վերջին ամիսները չհաշված, արդեն ունենք 30 տոկոս աճ միայն գինեգործության ոլորտում, ինչը շատ լավ ցուցանիշ  է: Անցած տարիների համեմատ՝ վերջին երեք տարվա ընթացքում  բացառիկ ծրագրեր են իրագործվել։ Դա կապված է պետական քաղաքականության փոփոխությունից, մասնավորապես՝ վարկային,սուբսիդավորման  ծրագրերի  հետ, որոնք  շատ մեծ զարգացման հնարավորություններ են ընձեռում  հատկապես  զարկ տալու վերամշակող արտադրությանը, գինեգործությանը իր  բոլոր ենթաճյուղերով՝ ներառած  խաղողագործությունը,   արտադրությունները,  ընդհանրապես զարգացնելու գյուղատնտեսական ոլորտին:  Իմ կարծիքով այս տարիներին  աննախադեպ վարկային քաղաքականություն է տարվել թե´ քանակի, թե´ որակի  առումով։ Թվարկեմ՝  սուբսիդավորվեցին մեծաքանակ  վարկեր, վարկերի ժամկետները փոխվեցին՝ տրամադրելով 8 տարի ժամկետով  վարկեր,գրավի խնդիրները որոշակիորեն լուծվեց,կատարվեցին   լիզինգային աննախադեպ ծրագրեր՝կոնկրետ   8 տարի ժամանակով անտոկոս լիզինգի հնարավորություն  տրվեց  վերամշակողներին։ Արդյունքում՝ անպատկերացնելի է ՝ ինչ  չափով ու մակարդակով վերազինվեցին գործարանները։ Հետևաբար քաղաքականության, բանկերի հետ կապված ակնառու  խնդիրներ  չկան. հիմնական  խնդիրները վերաբերում են  արտահանման հարցերին:

 -Ըստ Ձեզ որո՞նք են ոլորտի լուծման կարոտ հիմնախնդիրները՝ հաշվի առնելով Սյունիքի ճանաապարհներին ադրբեջանական մաքսակետերի հայտնվելը և դեպի Իրան ճանապարհի բարդությունները: Որպես գինեգործ՝ ինչպե՞ս եք  պատկերացնում  հատկապես արտահանման խնդիրների կարգավորումը: Լաստանավային բեռնափոխադրման նոր նախագծի և  ապագայում Ադրբեջանով  երկաթուղային հաղորդուղիների բացումը ի՞նչ  արդյունք կտան  Ձեր կարծիքով։

-Դասական խնդիրներն, ինչպես գիտեք, Լարսի ճանապարհի հաճախակի խափանվելը, նաև՝ ոչ  կայուն, ոչ էլ վստահելի  ռուսական  տնտեսության գործոններն են,որին գումաարվել  է Ռուսաստանի ԵԱՏՄ քաղաքականության փոփոխությունը՝ի վնաս մեզ և մյուս երկրների։ Հատկապես վերջին շրջանում  Ռուսաստանը, առաջնորդվելով միայն  սեփական շահերն ու հետաքրքրությունները  պաշտպանելու մղումով, ակնհայտորեն անտեսում է ու չի հարգում մեր և ԵԱՏՄ մյուս երկրների իրավունքներն ու շահերը, ավելին,այսպիսով, նա հաշվի չի առնում ԵԱՏՄ իրավական ակտերը,պարտավորությունները, որի հանձնառությունն ունի: Եվ ուշագրավն այն է,որ Ռուսաստանը և ռուսական կազմակերպությունները,ներմուծողները  ևս  անթաքույց  հայտարարում են,որ հայկական  շուկան իրենց չի հետաքրքրում,որովհետև   հիմնվում են իրենց  ներքին  օրենսդրության վրա,ոչ թե ԵԱՏՄ, և դա  է թելադրում իրենց տնտեսական շահերն ու զարգացման պահանջները:

Ինչպես նշել եք հարցում, այս խնդիրներին  ավելացել է անվտանգային լուրջ հարցերը, հատկապես Սյունիքի մարզի ճանապարհների, դեպի Իրան ճանապարհների խնդիրները, մեծ լոգիստիկ դժվարությունների առաջացնելով: Ադրբեջանի հետ սահմանի մեծացումը՝ Սյունիքի և Վայոց ձորի մարզերի սահմանամերձ գոտում գտնվող որոշ գյուղատնտեսական մշակովի տարածքների համար ճակատագրական է դարձել: Սահմանային վտանգավոր բախումներն ու անընդհատ լարվածությունը  փաստացի հարցականի տակ են դրել այդ տարածքքների, այդ թվում՝ խաղողի այգիների գոյության ապագան, ինչի  հետևանքով  չենք  կարող խոստանալ անվտանգային երաշխիքներ ներդրումների համար, և ամեն ինչ  մնալու են օդում։ Անվտանգային խնդիրներն,ընդհանրապես   բացասական ազդեցություն են ունենում և ունենալու գործարարների  ապագայի  նոր ծրագրերի կազմման, հեռանկարների,լավատեսության վրա,ինչն էլ հանգեցնելու է նրան,որ մարդիկ ինվեստիցիաներից հրաժարվեն՝թեպետև տարիներով աշխատել են այդ ուղղությամբ: Ի՞նչ կարող են անել,եթե  հիմա բացասական պատասխաններ են ստանում գործընկերներից,հատկապես ռուս գործընկերներից: Այդ արգելքների պատճառով տնտեսվարողները օգոստոսից չեն  կարողանում իրացնել իրենց խաղողը։ Բացի այդ՝ կոնկրետ գինեգործության վրա բացասական ազդեցություոն ունեցավ  այն, որ այլևս չենք կարողանում Արցախից ներմուծել խաղող,որոնցից  խնդօղլի տեսակի խաղողը միայն Արցախում էր աճում, այլևս այնտեղից  չենք ստանում  տակառներ: Այս աշխարհաքաղական խնդիրները շատ լուրջ վնասում են ոլորտին։

Ինչ վերաբերում է Ադրբեջանով բեռնափոխադրմանը, դրա հետ ինչ-որ հույսեր կապելն  անիմաստ է։ Պարզ լինելու համար ասեմ, որ եթե Սպիտակի ավերիչ երկրաշարժի ժամանակ  ադրբեջանցիները թալանել, հարձակման էին ենթարկել հումանիտար օգնություն ցուցաբերող  երկաթուղին, հիմա, երբ  պատերազմից հետո մեծ լարվածություն  կա մեր հարաբերություններում, պատկերացնում եք՝ ինչ է կատարվելու։ Բացի այդ՝ ոչ ոք այդքան խելքը չի կորցրել՝ բեռներ փոխադրի Ադրբեջանի տարածքով՝մանավանդ այն պարագայում,երբ Ռուսաստանը չի պարտավորվել պաշտպանել մեր հակառկորդի տարածքով անցնող բեռները,իսկ մեր տարածքով անցնողների հանդեպ ունենալու է վերահսկողություն։  Այսինքն՝ տնտեսական առումով գյուղատնտեսության, նաև գինեգործության առումով ոչ մի օգուտ չեն տալու հաղորդուղիների բացելը. նույն կերպ խաղողը, գինին  չի իրացվի։ Այս առումով ոչ էլ Թուրքիայի հետ կարելի է ինչ-որ ակնկալիքներ ունենալ՝հաշվի առնելով նրա քաղաքականությունը, որովհետև իրենք արդեն խստացնում են մաքսային պայմանները:

Այս խնդրում արդյունավետ  կարող է լինել միայն թունելի կառուցումը, որն ընթացքի մեջ է,  և լաստանավերի միջոցով բեռնափոխադրման կազմակերպումը, որի ծախսերի մի  մասն,  ինչպես հայտնի է, կառավարությունը վերցնելու է իր վրա։ Կառավարության աջակցությամբ  լաստանավերով փոխադրում իրականացնելը,ըստ ինձ,ամենաարդյունավետ,իրատեսական այլընտրանքն է Լարսի ճանապարհին:

-Ի նչ  մաղթանքներ կհղեք  որպես հայ մարդ և գինեգործ

-Հայ ժողովրդին  ցանկանում եմ հավատ ու լավատեսություն վաղվա օրվա հանդեպ: Մենք սրանից ավելի բարդ ու ծանր ժամանակներ ենք հաղթահարել, սա էլ կանցնենք պատվով ու կհաասնենք խաղաղության: Ուզում եմ նաև ասել, որ մեր հայրենակիցները  խմել և խմելոու են ընտիր, բարձրորակ  գինի:

Բաժիններ
Ուղիղ
Լրահոս
Որոնում