Մեծ Բրիտանիայում պետական ծառայողներին արգելել են օգտագործել Brexit տերմինը, որը նշանակում է Մեծ Բրիտանիայի դուրս գալը Եվրամիությունից: Այս մասին գրում է Daily Mail-ը՝ վկայակոչելով կառավարական շրջաբերականը:
Նշվում է, որ Կառավարությունն աշխատակիցներին խորհուրդ է տալիս խուսափել Brexit բառից, որը պետք է օգտագործվի միայն անհրաժեշտության դեպքում և «պատմական համատեքստում»: Daily Mail-ի տվյալներով՝ աշխատողներին նաև խորհուրդ են տվել խուսափել «անցումային շրջան» տերմինից, որը վերաբերում է այն ամիսներին, երբ Լոնդոնն ու Բրյուսելը բանակցում էին Միացյալ Թագավորության՝ կառույցը լքելու պայմանների հարցում:
Դրանց փոխարեն խորհուրդ է տրվում համապատասխանաբար օգտագործել «2020 թ. դեկտեմբերի 31», «մինչ 2020 թ. դեկտեմբերի 31-ը» և «2021 թ. հունվարի 1-ից հետո» արտահայտությունները: