Դեկտեմբերի 25-ին ողբերգական դեպք է տեղի ունեցել Արարատի մարզում։ Ժամը 01։25-ի սահմաններում ոստիկանության Մասիսի բաժին ահազանգ է ստացվել, որ մարմնի տարբեր հատվածների 2-րդ, 3-րդ, 4-րդ աստիճանի ջերմային այրվածքներով Այրվածքաբանական կենտրոն է տեղափոխվել մի քաղաքացի։ Այդ մասին տեղեկացնում է shamshyan.com-ը։
Նշվում է, որ վիրավորը Արարատի մարզի Նոր Խարբերդ գյուղի բնակիչ՝ 81-ամյա Լենա Մ-ն է։ Վերջինս այրվածքներ ստացել է իր տանը 3 կիլոգրամանոց գազաբալոնի գազօջախից առաջացած բոցից։ Հրդեհը մարել է 81-ամյա կինը։
Նույն օրը, ժամը 09։40-ի սահմաններում Այրվածքաբանական կենտրոնից ոստիկանության Մասիսի բաժին ահազանգ է ստացվել, որ Լենա Մ-ն վերակենդանացման բաժանմունքում մահացել է։