Վանաձորի ավագանու «Մամիկոն Ասլանյան>> խմբակցության համայնքապետի թեկնածու Մամիկոն Ասլանյանը հայտարարություն է տարածել, որում մասնավորապես ահազանգում է, թե ինչ-որ ուժեր համայնքը տանում են կոլապսի՝ երբեք չմտածելով խոշորացված համայնքի ճակատագրի մասին՝, երբ չկա բյուջե, հաստիքացուցակ, առաջիկա ծրագրերի քննարկում: Ըստ Ասլանյանի՝ այդ ուղղորդող մարդիկ կամ ուժերը խտրականություն չեն դնում գործողությունների մեջ՝ սկսածքրեա-իրաբական ահաբեկչությունից, մինչև դատա-իրավական համակարգի տոտալ անօրինականություն: Նաև՝ օգտագործում կամ մինչև վերջ ստորացնում ենում պատահի՝ պատահի՝ ոմանց իրենց կամքով, ոմանց՝ ըստ պահանջի. «Մեր աչքի առջև քաղաքական, մարդկային, շարունական հոգեհանգստի մեջ է վաղամեռիկ կլասիկ, իսկ այժմ այլ ժանրի գործիք Էդմոն Մարուքյանը: Նրան որոշել են խայտառակել մինչև վերջ ու անվերադարձ»,-մասնավորապես գրել է Ասլանյանը:
Ընտրական օրենսգրքի մասնագետ Վարդինե Գրիգորյանից «Առաջին լրատվական»-ը հետաքրքրվեց, թե ի՞նչ է այս օրերին տեղի ունենում Վանաձորում, կա արդյոք օրենքի խախտում,թե ոչ. «Իմ կարծիքով՝ Մամիկոն Ասլանյանն իր հայտարարության մեջ իր կալանավորումն է ներկայացնում որպես ընտրական օրենքի խախտում, բայց դա ըստ էության ընտրությունների հետ կապ չունի: Եվ ես նկատի չունեմ՝ քաղաքական չէ, ի նկատի ունեմ, որ ընտրական օրենսդրության կարգավորումների հետ առնչություն չունի: Բայց միաժամանակ պետք է ավագանին ամեն դեպքում նիստ աներ ու ընտրեր համայնքապետ»,-ընդգծեց նա:
Մեր զրուցակցի խոսքերով՝ կարող էին ընտրել նաև Մամիկոն Ասլանյանին, դա ոչ ոք արգելել չէր կարող. «Անհակասնալի է, թե ինչու են երկարացնում, ինչու են որոշել, որ կարելի է պահանջել հետաձգել: Ինձ համար այդ պահը անհասկանալի է, որովհետև վեճի էությունը շատ հստակ է, այդտեղ առանձնապես քննելու բան չկա: Ընտրական օրենգրքի դրույթների կիրառմամբ փաստացի «Լուսավոր Հայաստանը» չի ստացել անցողիկ շեմի հաղթահարման համար բավարար ձայներ՝ անկախ նրանից, որ իրենք այլ ձև են մեկնաբանում, ասում են կան անճշտություններ: Հասկանում եմ ցանկությունը, որով իրենք դա փորձում են մեկնաբանել, բայց փաստն այն է, որ օրենգիրքն այդպես չի կարգավորվում: Նաև փաստ է, որ վեճը պետք է լուծվեր սովորական, կոլեգիալ վեճի նման՝ առանց բողոքարկման իրավունքի, դրա համար էլ շարունակությունը հասկանալի չէ: Ինչու՞ չեն բաշխում մանդատները, ինչու՞ չի սկսվում գործընթացը՝ հստակ չէ»:
Վարդինե Գրիգորյանը հստակ արձանագրում է՝ եթե անգամ թեկնածուն կալանավորված է, ընտրական օրենսգիրքը թույլ է տալիս, որ լինի առաջին նիստ ու նրան ընտրեն համայնքապետ. «Դա խնդիր չէ, պարզապես պետք է 50 տոկոսից ավելին քվեարկեն: Եթե թեկնածուներից որևէ մեկը 50 տոկոս չստանա, քվեարկությունը կլինի առավելագույնը ստացածների մեջ: Այսինքն՝ եթե դա էլ չլինի, նորից կմասնակցեն մնացած բոլոր թեկնածուները:Եթե երկու թեկնածու են ու հավասար՝ այդ դեպքում տարիքով ավելի մեծն է ընտրվում: Ամենդ եպքում՝ ընտրվելու է: Եթե նիստը սկսվեց, արդյունքում ինչ-որ մեկն ընտրվելու է ու շատ հավանական է, որ դա լինի Մամիկոն Ասլանյանը՝ հաշվի առնելով քաղաքական պայմանավորվածությունների հնարավորությունը: Բայց փաստ է, որ նա չունի 50 տոկոս ու պետք է լինի միավորում»:
