Հայկ Մարությանի եզրափակիչ ելույթը ձեզ համար համոզի՞չ էր, որովհետև իշխող քաղաքական ուժի ներկայացուցիչները հերքեցին նրա հնչեցրած գրեթե բոլոր հայտարարությունները:
Երևանի քաղաքապետի հարցի շուրջ ստեղծված իրավիճակում երկու կողմից, կամ ավելի շուտ տարբեր կողմերից հնչում էին մեղադրանքներ «հեղափոխության արժեքներից շեղվելու» կապակցությամբ: «Իմ քայլի» մեծամասնությունը դրա համար մեղադրում էր Հայկ Մարությանին, Հայկ Մարությանը և նրան աջակցողները մեղադրում են «Իմ քայլին» և ՔՊ-ին, կողքից ավելանում են տարբեր մոտիվներով այլ մեղադրողներ ու ստացվում է մեղադրանքների մի մեծ շրջապտույտ, թե ով է շեղվել հեղափոխության արժեքներից: Սակայն, որքան մեծ է այդ առումով աղմուկը, նույնքան ավելի մեծ է դառնում հասկանալու անհրաժեշտությունը՝ իսկ որո՞նք էին հեղափոխության արժեքները: Թեմայի շուրջ «Առաջին լրատվական»-ը զրուցել է ՄԱՀՀԻ ղեկավար, քաղաքագետ Ստեփան Սաֆարյանի հետ: