Այս թաքուն գործընթացներով Հայկ Մարությանն ու իշխանությունը ավելի շատ են դաշնակ, քան դաշնակները

Երևանի պատմության մեջ առաջին անգամ քաղաքապետին անվստահություն են հայտնում։ Սատարող ու քննադատող ելույթներից հետո խոսել է նաև քաղաքապետը։ Հայկ Մարությանն ասել է, որ հեղափոխությունը կուսակցականներ չեն իրականացրել, ինքը եղել ու մնում է հեղափոխական թիմում: Հայտարարել է, որ դուրս է եկել կուսակցությունից, բայց ոչ Իմ քայլը դաշինքից։ Հեղափոխության օրակարգից շեղվելու մեղադրանքին նա պատասխանել է նույն մեղադրանքով, հիշատակել է նախարարների աշխատավարձերի բարձրացումը, Ազգային Ժողովի նախագահի համար թանկարժեք մեքենայի գնումը։ Մարությանը նաև պատմել է, որ տարբեր պաշտոնյաներ իրեն զանգել ու պահանջել են աշխատանքից ազատել ֆեյսբուքում հակաիշխանական գրառումներ արած աշխատակիցներին կամ ինչ-որ արտոնություներ են խնդրել իրենց մերձավորների համար: Սրանք են ըստ նրա եղել կուսակցությունը լքելու պատճառը: Թեմայի շուրջ «Առաջին լրատվական»-ը զրուցել է հասարակական գործիչ Գարեգին Միսկարյանի և «Անտարես» հրատարակչության տնօրեն Արմեն Մարտիրոսյանի հետ: